Burgemeesteren en Raad in Groningen oorkonden, dat de voogden van Sunte Mertenskerk voor hen verklaarden verkocht en overgedragen te hebben aan Jacob Lubberdes en Swane, echtel., een jaarlijksche lijfrente van 50 Arns. gulden, te beuren uit de kerkgoederen, met de bepaling, dat bij overlijden van een der beide echtelieden bovenstaande lijfrente tot op de helft verminderd zal worden.

Wy Borgemesteren ende Raidt in Groningen betuegen myt dessen openen breve dat voir ons sint gekomen de
voegeden van sunte Mertens karcke in onser vorscr. Stadt ende bekanden van wegen der vorscr. karcken ende oeren
nacomelingen dat se hebben vorcoft upgedragen ende overgegeven Jacob Lubberdes ende Swane siner echten
huesfrouwen vyftich arnsen gulden iairlike lyffrenten tyn onser Stadtstuvers vor datumsbreves gemuntet oft
payment dat dair guet voir is voir elcken gulden gerekent jairlix also Stadt recht is tbetalen To manen ende to
boeren uuth alle oft een deel oft uuth beyden tsamen der vorscr. karckguederen wo Iacob ende Swanen vorscr. dat
best belevet vry ende quyt oer levent lanck ende niet langer ende vry dair uut to waren voer ene summe geldes de
de vorgene voegeden bekanden hem tot behoeff der vorscr. karck vul ende al is betaelt Hyr is togesproken so wel
van hem beyden inden levende overblivet de sal syn leventlanck vyffendetwintich arnsen gulden iairlix hebben
ende de ander vyff ende twintich arnsen gulden Renten sullen mitten doden oick doet ende to nete wesen sunder
argelist Orkunde wy myt onser Stadt Segel Gegeven inden iare onses heren dusent vyffhundert ende twe ende
twintich up mey avende do Peter Sickinge, Luloff Coenrades, Roleff Huynge ende Clawes Scaffer Borgemesteren
weren onser Stadt.

x

x

Archief	Groninger Archieven
Fonds	Arch. Parochiekerken
Toegangsnummer	1539
Inventarisnr.	0088
Regestnr.	683
Register Feith	1522.009
Jaar	1522
Datumcode	vMei

x

x

x

Materiaal	perkament