Burgemeesteren en Raad in Groningen oorkonden, dat Luytken Gerts en Grete echtel. voor hen verklaarden verkocht en overgedragen te hebben aan voogden van Unser Liever Vrouwenkerk ter Ae, een jaarlijksche rente van 6 Arens gulden, te beuren uit hun huis in Volkeringestraat, en al hun overige goederen; met bepaling omtrent wederinkoop dezer rente.

Wy Borgermesteren ende Raidt in Gronyngen betuegen myt dessen openen breve dat voer uns sint gekomen
Luycken Gerts ende Grete syn huesfrouwe ende bekanden voer hem ende hoeren erffgenamen dat se hebn verkoft
upgedragen ende overgegeven den vogeden van unser liever vrouwen kercken ter Ae bynnen unser Stadt tot behoeff
der kercken ende hoeren nacomelingen Ses grensen gulden iaerlicke ende erfflicke renten tyn unser Stadts stuvers
voer datum sbreves gemuntet ofte payment dat daer guet voer is voer elcken gulden gerekent jaerlix toe mey tho
betalen toe boren ende toe manen uut hoer hues gelegen in Volkeringe strate daer Hermen steenmesseler upt
noerden ende Johan korffmaker myt hoer huesen upt zueden naest by geswettet sint ende voert over all hoer ander
guederen oeck waer de gelegen sint vry ende quyt ende vry daer uut tho waren voer ene summe geldes de Luytken
ende Grote vorscr. ofte bekanden hoer vult ende all is betaelt Myt vorworden dat Luytken ende Grete vorscr. ofte
hoeren erffgenamen desse vorscr. renten alle tyt wanneer hoer des genoeget moegen weder affh vry ende quyt kopen
myt hundert arensen gulden vorscr. payments ende mytter vuller renten Sunder argelist dat orkunde Wy myt unser
Stadts Segell gegeven inden iare unsen heren dusent vyffhundert soeven ende twintich wonsdages na Servatii
episcopi doe Lubbert Koninck, Lubbert Ulgher ende Reint Alberda Borgermestere weren unser stadt.

x

x

Archief	Groninger Archieven
Fonds	Arch. Parochiekerken
Toegangsnummer	1539
Inventarisnr.	0249
Regestnr.	715
Register Feith	1527.020
Jaar	1527
Datumcode	EpServat

x

x

x

Materiaal	perkament