Die Häuptlinge von Uphusen und von Oldersum tragen dem Grafen Ulrich ihre Herrlichkeiten zu Lehn auf und leisten ihm den Lehnseid.

Wy Snelgher, hovetlingk to Uphusen, Hare unde Hayke, ghebrodere, to Oldersum hovetlinghe, bekennen unde betughen openbaer ende dosen kundich allen edellen strenghen duchtighen ersamen erbaern unde wisen vromen lueden, wertlich edder gheistlick, dat wy deme edellen vormoghenden heren, greve Ulryke to Norden, Grietzyl, Emeden, Awrike etc., heren in Oestvrieslande, hebben ghelovet ende ghesworen eme unde synen kynderen truwe ende hoelt to wezene, syn unde syner kindere beste to done, daertho argheste to kerene myd lyve unde gude, waer wy konnen ende des mathe unde mach nach all unsen vormoghe, alz gude manne eren rechten heren schuldich syn to done, unde wy all unse herlicheyt ende rechticheyt van eme to lene hebben entfanghen, zoe alz gude manne pleghen van ereme rechten heren herlicheyden nemen tho lene. In oerkunde der waerheyt hebben wy Snelgher, Hare unde Hayke vorben. unse inghesegele kentlyken myd gueden wyllen ghehanghen an dessen brieff. Ghegeven to Emeden, na der bort Christi unses Heren dusent vierhundert, darna in deme vif unde sestighesten jare, ame vrygdage nae sunte Marcus des hilgen ewangelisten daghe alrenaest.

x

x

Archief	1820 Die Kunst
Fonds	Grimersumer Kiste
Inventarisnr.	041
Jaar	1465
Datumcode	VpMarci

x

x

Materiaal	papier

x

Edities	Editie naar een ander exemplaar: oub0824.