| Nummer:hafi1109 | Datum: | Overlevering:Origineel | Vindplaats:Aanv. H.A. Farmsum, inv.nr. 1109 |
Wij borgermeistere ende raidt in Gronyngen betugen myt dessen openen brieve alle diegene die dessen brieff zollen sien off horen lesen wo dat
daer een hospitael gesticht is bij onser stadt, t'Helpman genoempt, in der eren Gods ende Sijnre liever moder Marien ende des hilligen martelers Sunte
Georgien mitten hilligen maerscalck Sunte Anthonis in welck men ontfangt ende harbercht alle arme elendighe menscen die des van noden
synt ende sunderlinge die armen van der lazarie ende nemandt des geweigert en wort die des begeren, ende ore nachtrust aldair hebbende sint
ende worden t'allen tijden dair vruntlicke untfangen. In welcke nu oick ter tijt vele armer luden in sint, die dair anders seer weynich hebben
dan em God ende guede luyden geven, soedat die vogeden ende voerstanders des vorscreven hospitaels hebben uutgesant onsen getrouwen ende waeraffti-
gen boden een conventzman, Egbert Ludekens gehieten, ende sijn knecht, thoenre des brieffs, omme gueder luden almissen to bidden van geestliken
ende van wertliken tot behoeff des hospitaels ende der armen vorscreven. Waeromme wij mitten vorscreven voegeden begeren van allen gueden luden desse vorscreven
unse boden vruntlike willen ontfangen, hantrekinge doen mit charitaten ende almissen totter vorscreven tymmeringe oick mede to ornamenten
ende cyraten, die daer groet gebrec sint, als in misse boken ende in andere itlike clenodien, want dair preesters to gesticht sint in der vorscreven kercke mis-
se t'doin. Oick in bedden ende beddecleden, die daer sunderlinge van groten noden sint tot behoeff der armen ende lazaren, soe vorscreven is, in welcken men
verdienen mach grote afflaten ende genaden als up den Gueden Vrijdach, up Sunte Jurriens dach, Sunte Annen dach, Sunte Andrees dach ende der wijn-
ghe in der vorscreven hospitael. Ende up elcken vorscreven daghe XIIIc dagen afflaets van XIII cardinalen welck hoere hantrekinge hyrto doin, want des-
se vorscreven kercke in die ere Gods, Sunte Jurrien ende Sunte Anthonis maerschalck over pestilencie ende plage des wuers gewiet is. Daeromme is 't ge-
raden die wercken der dogheden ende barmherticheyt alsoe vollenbrengen dat wij daer overmits van allen plagen moegen gevrijet worden.
Welck brieff duren sall een jaer lanck naestkomende mede te bidden ende nyet langer. Dat orkunden wij mit onser stadt secreetsegell ende
tot mere vestenisse der wairheyt van desen heb ick Everhardus Iarries, in den keyserliken rechten doctoer ende pastoer der kercken to Sunte Mer-
ten in Gronyngen mijn segel mede an dessen brieff gehanghen. Gegeven in den jaer uns heren dusent vijffhundert ende negentyn des vrij-
daghes nae Sunte Meertyn off upten achtende dach van Sunte Meerten den hylligen biscop.
daer een hospitael gesticht is bij onser stadt, t'Helpman genoempt, in der eren Gods ende Sijnre liever moder Marien ende des hilligen martelers Sunte
Georgien mitten hilligen maerscalck Sunte Anthonis in welck men ontfangt ende harbercht alle arme elendighe menscen die des van noden
synt ende sunderlinge die armen van der lazarie ende nemandt des geweigert en wort die des begeren, ende ore nachtrust aldair hebbende sint
ende worden t'allen tijden dair vruntlicke untfangen. In welcke nu oick ter tijt vele armer luden in sint, die dair anders seer weynich hebben
dan em God ende guede luyden geven, soedat die vogeden ende voerstanders des vorscreven hospitaels hebben uutgesant onsen getrouwen ende waeraffti-
gen boden een conventzman, Egbert Ludekens gehieten, ende sijn knecht, thoenre des brieffs, omme gueder luden almissen to bidden van geestliken
ende van wertliken tot behoeff des hospitaels ende der armen vorscreven. Waeromme wij mitten vorscreven voegeden begeren van allen gueden luden desse vorscreven
unse boden vruntlike willen ontfangen, hantrekinge doen mit charitaten ende almissen totter vorscreven tymmeringe oick mede to ornamenten
ende cyraten, die daer groet gebrec sint, als in misse boken ende in andere itlike clenodien, want dair preesters to gesticht sint in der vorscreven kercke mis-
se t'doin. Oick in bedden ende beddecleden, die daer sunderlinge van groten noden sint tot behoeff der armen ende lazaren, soe vorscreven is, in welcken men
verdienen mach grote afflaten ende genaden als up den Gueden Vrijdach, up Sunte Jurriens dach, Sunte Annen dach, Sunte Andrees dach ende der wijn-
ghe in der vorscreven hospitael. Ende up elcken vorscreven daghe XIIIc dagen afflaets van XIII cardinalen welck hoere hantrekinge hyrto doin, want des-
se vorscreven kercke in die ere Gods, Sunte Jurrien ende Sunte Anthonis maerschalck over pestilencie ende plage des wuers gewiet is. Daeromme is 't ge-
raden die wercken der dogheden ende barmherticheyt alsoe vollenbrengen dat wij daer overmits van allen plagen moegen gevrijet worden.
Welck brieff duren sall een jaer lanck naestkomende mede te bidden ende nyet langer. Dat orkunden wij mit onser stadt secreetsegell ende
tot mere vestenisse der wairheyt van desen heb ick Everhardus Iarries, in den keyserliken rechten doctoer ende pastoer der kercken to Sunte Mer-
ten in Gronyngen mijn segel mede an dessen brieff gehanghen. Gegeven in den jaer uns heren dusent vijffhundert ende negentyn des vrij-
daghes nae Sunte Meertyn off upten achtende dach van Sunte Meerten den hylligen biscop.
x
| Archief | Groninger Archieven |
|---|---|
| Fonds | Aanv. H.A. Farmsum |
| Toegangsnummer | 620 |
| Inventarisnr. | 1109 |
| Register Feith | 1519.033 |
| Jaar | 1519 |
| Datumcode | oMartin |