| Nummer:han025i | Datum:9 april 1543 | Overlevering:Origineel | Vindplaats:H.A. Nienoord, inv.nr. 0025i |
Getuigenverklaring d.d. 9 April 1543 , ongeveer gelijkluidende aan de vorigen, afgelegd door een aantal getuigen, voornl. betreffende de schenking of overdracht in 1531 door Bocko Auwema, Iwe Eyszema, Pabe Bousema en Date Wissens op het kerkhof te Oldebert.
Ick Ewe Grathema, buerrichter, do kundt unde bekenne an ende voermydts desser opener certifficatie, daer yck myt een heren man-
daet to vermaenth byn, dat voer my persoenlick yn 't gerichte syndt erschenen Johan Ebersma, Bonne Hymersma, Eneke Meetse-
ma, Johan Luytkens, Date Taeyge, Rotke Synnynge ende Peter Hinderickx doer versoeck der erbaeren doechsamen vrouwen, nagelaten
weduwe to Ewszum, hebben getueget myt upgerichte vyngeren gestavedes eedes lijfflicken in den hilligen geswoeren, daer se myt der heren
mandaeth to vermaenth ende geesschet weren dat hoer wittich ende kundich ys, dat se geseen ende gehoert ende oeck daerbij an ende over
gewest hebben up Oldebuer kerckhoff, dat Bocko Auwema, der vrouwe van Ewszum horen kinderen ende arven, myt dene saempt-
lijcken egenarffden, richteren ende ingesethen van Vredewoldt de gretenie erfflick ende ewelick gegeven hefft up de selve tijdt do de grete-
nye als bovengesc. ys, den van Ewszum van den egenarffden, richters ende ingesethen van Vredewoldt gegeven wort omtrent twaleff yaer
verleden. Vorder bekenne ick Ewe Grathema dat up ditselve pas voer mij persoenlijck voer recht gekomen synt, Ipo Syckema, Bonne
Hymersma, Johan Ottema, Johan Luytkens to Mydtwolde ende hebben getueget lijfflick gestavedes eedes in den hilligen geswoeren, daer
se oeck als bovengesc. staet myt dat selve heren mandaeth to geesschet ende vermaenth weren. Dat hoer wittich ende kundich ys ende
hebben 't gehoert ende dae by an ende over gewest up Oldebuer kerckhoff gelijck boven gesc. ys van Bocke Auwema dat Iwe Eyszema sede
he stonde voer hem ende sijnen vader unde gaff de gretenie van Vredewoldt myt den egenarffden, richters ende ingesethen der vrouwen
van Ewszum hoeren kynderen ende arven, arfflick ende ewelick. Ingeliken als voers. ys up den selven voermyddach voer recht
gekomen Ypo Syckema, Peter Hinrix, Luyke Hoyts ende hebben eendrachtlicken getueget lijfflick in den hilligen gesworen daer se myt
denselven hoefftmansbreeff to vermaenth ende geesschet weren dat se van Pabe Bousema geseen ende gehoert hadden dat he myt der voers.
gemeente up Oldebuer kerckhoff de ergemelte gretenie van Vredewoldt der vrouwen van Ewszum, hoeren kinderen ende arven gegeven
hadde arfflick ende ewelick. Ende Luyke Hoyts tugede so voele vorder bij denselven eedt dat he van den olden salige Date Wissens geseen
ende gehoert hadde gelijck voer van Pabe Bousema gescreven ende getueget steet. Hiermede hebben dusse vors. tuegen hoer tuychnysse be-
sloten up dusse vors. articulen ende punten voer mij Aewe Grathema, buerrichter, als boven gescreven anno etc. dreeendeveertich,
den negenden dach aprilis. In oerkunde der waerheyt, soe yck selver gheen segel en voer, hebbe yck gebeden dem eerafftyngen geleerden
heren mester Otten Knassens, pastoer to Mydtwolde, ende heer Johan Hopper, pastoer yn 't Oldebuert, dat een ytlich syn eegen segel tot
starcker ende meerder bevestenisse dusser certifficatie voer mij an dussen openen breff hangen wolden. Dat wij pastoeren vors. doer
Aewe Grathema voer geroerde begheerte unde bede gheerne gedaen hebben ende onse segelen een ytlick sijn bijsunderen beneden an
dussen open breff gehangen. In 't yaer uns Heren dusent vijffhundert ende dreeenveertich, den sestyende dach aprilis.
daet to vermaenth byn, dat voer my persoenlick yn 't gerichte syndt erschenen Johan Ebersma, Bonne Hymersma, Eneke Meetse-
ma, Johan Luytkens, Date Taeyge, Rotke Synnynge ende Peter Hinderickx doer versoeck der erbaeren doechsamen vrouwen, nagelaten
weduwe to Ewszum, hebben getueget myt upgerichte vyngeren gestavedes eedes lijfflicken in den hilligen geswoeren, daer se myt der heren
mandaeth to vermaenth ende geesschet weren dat hoer wittich ende kundich ys, dat se geseen ende gehoert ende oeck daerbij an ende over
gewest hebben up Oldebuer kerckhoff, dat Bocko Auwema, der vrouwe van Ewszum horen kinderen ende arven, myt dene saempt-
lijcken egenarffden, richteren ende ingesethen van Vredewoldt de gretenie erfflick ende ewelick gegeven hefft up de selve tijdt do de grete-
nye als bovengesc. ys, den van Ewszum van den egenarffden, richters ende ingesethen van Vredewoldt gegeven wort omtrent twaleff yaer
verleden. Vorder bekenne ick Ewe Grathema dat up ditselve pas voer mij persoenlijck voer recht gekomen synt, Ipo Syckema, Bonne
Hymersma, Johan Ottema, Johan Luytkens to Mydtwolde ende hebben getueget lijfflick gestavedes eedes in den hilligen geswoeren, daer
se oeck als bovengesc. staet myt dat selve heren mandaeth to geesschet ende vermaenth weren. Dat hoer wittich ende kundich ys ende
hebben 't gehoert ende dae by an ende over gewest up Oldebuer kerckhoff gelijck boven gesc. ys van Bocke Auwema dat Iwe Eyszema sede
he stonde voer hem ende sijnen vader unde gaff de gretenie van Vredewoldt myt den egenarffden, richters ende ingesethen der vrouwen
van Ewszum hoeren kynderen ende arven, arfflick ende ewelick. Ingeliken als voers. ys up den selven voermyddach voer recht
gekomen Ypo Syckema, Peter Hinrix, Luyke Hoyts ende hebben eendrachtlicken getueget lijfflick in den hilligen gesworen daer se myt
denselven hoefftmansbreeff to vermaenth ende geesschet weren dat se van Pabe Bousema geseen ende gehoert hadden dat he myt der voers.
gemeente up Oldebuer kerckhoff de ergemelte gretenie van Vredewoldt der vrouwen van Ewszum, hoeren kinderen ende arven gegeven
hadde arfflick ende ewelick. Ende Luyke Hoyts tugede so voele vorder bij denselven eedt dat he van den olden salige Date Wissens geseen
ende gehoert hadde gelijck voer van Pabe Bousema gescreven ende getueget steet. Hiermede hebben dusse vors. tuegen hoer tuychnysse be-
sloten up dusse vors. articulen ende punten voer mij Aewe Grathema, buerrichter, als boven gescreven anno etc. dreeendeveertich,
den negenden dach aprilis. In oerkunde der waerheyt, soe yck selver gheen segel en voer, hebbe yck gebeden dem eerafftyngen geleerden
heren mester Otten Knassens, pastoer to Mydtwolde, ende heer Johan Hopper, pastoer yn 't Oldebuert, dat een ytlich syn eegen segel tot
starcker ende meerder bevestenisse dusser certifficatie voer mij an dussen openen breff hangen wolden. Dat wij pastoeren vors. doer
Aewe Grathema voer geroerde begheerte unde bede gheerne gedaen hebben ende onse segelen een ytlick sijn bijsunderen beneden an
dussen open breff gehangen. In 't yaer uns Heren dusent vijffhundert ende dreeenveertich, den sestyende dach aprilis.
x
| Archief | Groninger Archieven |
|---|---|
| Fonds | H.A. Nienoord |
| Toegangsnummer | 626 |
| Inventarisnr. | 0025i |
| Jaar | 1543 |
| Datumcode | 0904 |