| Nummer:han027 | Datum:30 mei 1533 | Overlevering: | Vindplaats:H.A. Nienoord, inv.nr. 27 |
Leenbrief, waarbij hertog Ka el van G elre Mansingeguedt te Roden aan Onno van Ewsum in leen geeft.
Wy Karel vander genaden gods hartouge van Gelren unde van Gulich graeve van
Zutphen heer van Gronnyngen der Umlanden to Covorden unde vander Drenthe
doen kundt unde bekennen dat up hueden data sbreffs voer uns in tegenwoerdicheyt
onser mannen van leene hier na bescreven gekomen ys Onno van Ewsum unde hefft
van uns oerkunde der selver unser nabescrevener mannen to leen ontffangen een
guet geheten dat Mansinge guet myt eenre volre waren holts unde myt allen anderen
synen to behoeren so wy dat selve guet myt syne toebehoeren in unsen lande van
Drenthe unde inden karspel van Roeden van olts gelegen unde hem van synen
vader salige Reloff van Ewsum angestorven unde van und tot stichtschen rechten
to leen ruere to verheghe worden als dat behoert unde recht so dicke dat verschint
unde ledich wordt Unde hier aff hefft uns Onno vurscr. huldinge unde eede gedaen
in allet dat een man van leene synenleen heren schuldych ys unde was to doene
Deer gelyken hie unde syne erven uns unse erven unde nakomelyngen altydt
doen sullen so dicke des noet geboert Beholtlyck in allen uns inses unde eynen
yderen syns gueden Rechten allet vurscr. sunder argelist. Hier synnen over unde
an gewest unse mannen van leen als myt namen Heer Jacob van Domberch
Ridder heer van sunte Agaten unde van sunte Johans kercken Stadtholder etc.
unde Johan Kueper koecken scryver unde meer gueden mannen Des to Oer
kunde ende to getuechnisse der waerheit hebben wy hartouge vurscr. unsen segell
van unser Rechter wetenheyt an dessen breff doen unde hieten hangen Gegeven
inden jaer uns heren vyfftynhundert drie ende dartich upten dartychsten
dach Mey.
Zutphen heer van Gronnyngen der Umlanden to Covorden unde vander Drenthe
doen kundt unde bekennen dat up hueden data sbreffs voer uns in tegenwoerdicheyt
onser mannen van leene hier na bescreven gekomen ys Onno van Ewsum unde hefft
van uns oerkunde der selver unser nabescrevener mannen to leen ontffangen een
guet geheten dat Mansinge guet myt eenre volre waren holts unde myt allen anderen
synen to behoeren so wy dat selve guet myt syne toebehoeren in unsen lande van
Drenthe unde inden karspel van Roeden van olts gelegen unde hem van synen
vader salige Reloff van Ewsum angestorven unde van und tot stichtschen rechten
to leen ruere to verheghe worden als dat behoert unde recht so dicke dat verschint
unde ledich wordt Unde hier aff hefft uns Onno vurscr. huldinge unde eede gedaen
in allet dat een man van leene synenleen heren schuldych ys unde was to doene
Deer gelyken hie unde syne erven uns unse erven unde nakomelyngen altydt
doen sullen so dicke des noet geboert Beholtlyck in allen uns inses unde eynen
yderen syns gueden Rechten allet vurscr. sunder argelist. Hier synnen over unde
an gewest unse mannen van leen als myt namen Heer Jacob van Domberch
Ridder heer van sunte Agaten unde van sunte Johans kercken Stadtholder etc.
unde Johan Kueper koecken scryver unde meer gueden mannen Des to Oer
kunde ende to getuechnisse der waerheit hebben wy hartouge vurscr. unsen segell
van unser Rechter wetenheyt an dessen breff doen unde hieten hangen Gegeven
inden jaer uns heren vyfftynhundert drie ende dartich upten dartychsten
dach Mey.
x
| Archief | Groninger Archieven |
|---|---|
| Fonds | H.A. Nienoord |
| Toegangsnummer | 626 |
| Inventarisnr. | 27 |
| Jaar | 1533 |
| Datumcode | 3005 |