| Nummer:han063 | Datum:3 aug. 1551 | Overlevering:Origineel | Vindplaats:H.A. Nienoord, inv.nr. 63 |
Reyner en Sijwert Wylema verkopen aan Beetke vann Raswert, weduwe van Ewszum, negen roeden veen onder Nuis bij de Grove en de Swarte Ryth.
Wij Aeko Meynema ende Ipo Crusinghe, nu ter tijth greetmans in Langewolth, bekennen ende betughen met dessenn
openen, vorbezegeldenn breve, dat voer ons synt gekoemen Reyner Wylema ende Sywert Wylema, gebroderenn,
und bekandenn voer oer ende oeren arffgm. dat se met gueden voerberaden moede vrij arfkopes hebben verkofft, op-
gedraghenn ende overgegeven in chrafft desses breves, ewelijkenn ende arfflijkenn der eerntfester, erber ende duch-
samer vrouw Beetkenn vann Raswert, naegelaten weduwe ende vrouw tot Ewszum, sampt oeren levenn soenen ende
jonckeren, Johan, Christoffer ende Wigbolt van Euwszum, gebroderen ende oeren samptlijken arffgm. offte holder des
breves, neghen rode feens, gelegenn in de Nues, und is streckende met dat noerderende an den noerdersten
leydick, gelegenn op de suedersijth naest an de Grove und voert suedewert op an de lantzscheydinge tho wethenn
an de Swarthe Ryth, daer Eling Heringe op de oestersijth ende Greethe Hanckema up de westersijth naest bijge-
landet synth. Dit vors. feenn loevenn Reyner ende Sywert vors. voer oer ende oerenn arffgm. der erbare vrouwe,
sampt oeren levenn soenen ende jonckerenn vors., ende oeren arffgm. offte holder des breves met oeren vrijen wylle
ewelijken ende arfflijkenn, vrij ende veerdich tho leverenn, tho hueden ende tho waeren voer alle ansprake de daer
met recht offte buethenn recht op sprekenn mochtenn, voer een summa van penningen de Reyner ende
Sywert vors. bekanden hoer vull ende all is betaelth, den laesten penning met den eersthen, und bedanckenn
der erber vrouwe, sampt orenn levenn soenen ende jonckeren, vorgenoempt gueder betalinge. Sunder all argelist.
Des orkunden wij, greethmans opgemelt, met des gemeenen landessegell van Langewolth, beneden an dessenn
breeff gehangen. Gegeven in den jaer ons Herenn dusent vijffhondert eenendevijfftich, den darden dach des
maentz augustii.
openen, vorbezegeldenn breve, dat voer ons synt gekoemen Reyner Wylema ende Sywert Wylema, gebroderenn,
und bekandenn voer oer ende oeren arffgm. dat se met gueden voerberaden moede vrij arfkopes hebben verkofft, op-
gedraghenn ende overgegeven in chrafft desses breves, ewelijkenn ende arfflijkenn der eerntfester, erber ende duch-
samer vrouw Beetkenn vann Raswert, naegelaten weduwe ende vrouw tot Ewszum, sampt oeren levenn soenen ende
jonckeren, Johan, Christoffer ende Wigbolt van Euwszum, gebroderen ende oeren samptlijken arffgm. offte holder des
breves, neghen rode feens, gelegenn in de Nues, und is streckende met dat noerderende an den noerdersten
leydick, gelegenn op de suedersijth naest an de Grove und voert suedewert op an de lantzscheydinge tho wethenn
an de Swarthe Ryth, daer Eling Heringe op de oestersijth ende Greethe Hanckema up de westersijth naest bijge-
landet synth. Dit vors. feenn loevenn Reyner ende Sywert vors. voer oer ende oerenn arffgm. der erbare vrouwe,
sampt oeren levenn soenen ende jonckerenn vors., ende oeren arffgm. offte holder des breves met oeren vrijen wylle
ewelijken ende arfflijkenn, vrij ende veerdich tho leverenn, tho hueden ende tho waeren voer alle ansprake de daer
met recht offte buethenn recht op sprekenn mochtenn, voer een summa van penningen de Reyner ende
Sywert vors. bekanden hoer vull ende all is betaelth, den laesten penning met den eersthen, und bedanckenn
der erber vrouwe, sampt orenn levenn soenen ende jonckeren, vorgenoempt gueder betalinge. Sunder all argelist.
Des orkunden wij, greethmans opgemelt, met des gemeenen landessegell van Langewolth, beneden an dessenn
breeff gehangen. Gegeven in den jaer ons Herenn dusent vijffhondert eenendevijfftich, den darden dach des
maentz augustii.
x
| Archief | Groninger Archieven |
|---|---|
| Fonds | H.A. Nienoord |
| Toegangsnummer | 626 |
| Inventarisnr. | 63 |
| Jaar | 1551 |
| Datumcode | 0308 |
x
| Commentaar | met het uithangend zegel van Langewold, verzegeld door de grietmannen Acko Meynema en Ipo Crusingke |
|---|