| Nummer:kfh311 | Datum: | Overlevering:Afschrift | Vindplaats:Arch. Klerken- en fraterhuis, inv.nr. 0137, reg. 311 |
Voer lw Erbaere walgheleerde heer deeken
Soe dye ffraters antworen up myen anderde anclaeghen
anderderwarff dat yck alle bewyes daer by sool thonen
Abberynge tuchnysse
Then eersten bewyse ick myt dess erweerdyghen doctor Hermannus
Abberynge tuychnysse dat sye my gebeeden hebben den
compromys bryeff tho verdedyngen unde hebben oeck my daer
by gedaen den selven breef unde den rocht breef yn welken
den compromys breeff van gheen der waerden ghekent was
Soe toech yck yn Drenthe unde helt den eersten recht tho
Anloe unde straffte Hendryck Alynges tuychnysse myt den
vorscr. compromys breeff nae des ffraters heetent, doe wort dye
breeff van weerden gekant, unde Hendryck solde bewysen dat
Luyken Ydkynghe doe nyet the Gronygen geweest waere doe
dye andere arffgenamen daer waeren, offte vellych der saeke, Hyer
omme moste Hendryck vallen yn broke offte yck solvest nae
luyt der seeker wysynghe dyt voerscr. bewyse yck myt myne
Dye eerste rocht breeff
eerste rochtbreeff all hyer present vander ffraters weegen geholden
daer sye oeck my all myen onkosten van betaelt hebben gelyck
sye my gelaevet hadden nae dess voerscr. tuychnysses hyer praesent
Alynge rocht breeff
Then anderden bewyse yck myt Henryck Alynghe rochtbreeff
dat Henryck syen bewyes voer recht brachte tho Gasselde daer
up wort Henrijck vry gekant, Alsoe bewyse yck nu dat
yck yn myen eerste rochtbreeff gevallen byn ynden drosten
broeke doe Henryck syen tuychnysse bewysede nae luyt der
seeker wysynge yn myen eerste rochtbreeff begreepen
Then darden bewyse yck claerlyken dat yck vanden vorscr. ffraters
weeghen straffen solde soedanne bewyes als Hendryck mydt
syen bloets bewanten ende saeke draegers voer recht tho Gasselde
hadde yngelecht myt der ffraters adhortatien offte gedacht
Paters hant schryfft
deedel dye dye X salige paeter tho geeselyken mageden myt syen eygen
hant geschreven hefft all hyer present daer yck noch twye rochten
omme geholden hebbe welke dye ffaters oeck alle bekostyget hebben
daer yn dye compromis breeff unde dye tuyghen beyde van
weerden gekant worden, alsoe dat yck dye nyet straffen konde
daer uuth kan men spoeren dat yck gevallen byn yn broeke uuth
de straffynge up Hendryck tuychnysse yn myener eersten rochtbreeff
Then veerden bewyse ick mydt dess drosten weete breeff
De droste wete breeff
heyr present, dat doe yck Henrycks tuychnysse unde syen
bewyes nyet konde neederlegge welk van dye XXIIII yn weerden
gekant wort daer omme yck der saeke solde vellych syen unde
lyet alle myen ghuet bepanden ende tho slaen yn Drenthe offte
offte (sic) yck solde daer een ordell vanden XXIIII ghaen laeten unde
wolde my alsoe dyffameert hebben dat my omme gheen gueet
lydelyck weest waere Dess soe hebbe yck meester Rolloff Staell
unde Eevert van Kovorden anden drosten gehadt unde dye
droste wolde nyet myn dan twee hondert daeler offte yck
solde van stonden an voer dye XXIIII etten, Soe hebbe yck dye
saeke up myen verschreven mannen unde dye droste oeck up twee
mannen als dye schulte tho Emmen unde Jacob Huysynghe
begheven dye welke dat maekeden up dree unde tnegentych daeber
Then vyfften dat dye Erbar Raet gheen ordel geweesen hefft
de kemynge des rades
als dye ffraters segghen dan alleene yn vruntschap gelyck wy
daer nae tho gheestelycken maegeden beghonnen yn praesent der
Erweerdygen doctoren Abbrynge unde Hieronimus Ffrederici
want hadde daer van een ordell uutspraeken weest soe hadden
wy nyet behovet hebben tho vruntschappen
Oeck hebbe yck vaeke gemaent Bartholomeus den paeter omme
den schaeden soe antworde hye my dat convent hefft nuu gheen
gelt, unde hefft my etlyke mael gelaevet dat sye wolden den
heert landes myt rechte vry kryghen den Ryxte Germets van hoer
ynde huyer hefft want Ryxte dat een huysman wedder .........
hefft tho Suytwolde unde wolden my den heert verhueren
weerde omme versettynge myner voerscr. schaeden dat welck nye gheen
voertganck gehadt heeft
Zyen anderde anclaeghe
Hyer omme blyeve yck by myen anderde anspraeke unde desser reformatien
up die selvyngen. myt oeck dye voerscr. tuychnyssen vertrouwe my
gansselyken dat myen wedderparten sulkes nyet straffen offte
beneven komen myt gheener waerheyt want hebben sy my myne
kosten tsaemen bethaelt soe eeghe yck ommers dye schaede soe wall
bethaelt thoe hebben als dye onkosten
Dyt alle tot erkentenysse luwes Erbaren rechtes unde offte yd nodych
waere myene wedder parten wat onrechtes yn leggen wolden daer
onverkortet yn toe syen.
Soe dye ffraters antworen up myen anderde anclaeghen
anderderwarff dat yck alle bewyes daer by sool thonen
Abberynge tuchnysse
Then eersten bewyse ick myt dess erweerdyghen doctor Hermannus
Abberynge tuychnysse dat sye my gebeeden hebben den
compromys bryeff tho verdedyngen unde hebben oeck my daer
by gedaen den selven breef unde den rocht breef yn welken
den compromys breeff van gheen der waerden ghekent was
Soe toech yck yn Drenthe unde helt den eersten recht tho
Anloe unde straffte Hendryck Alynges tuychnysse myt den
vorscr. compromys breeff nae des ffraters heetent, doe wort dye
breeff van weerden gekant, unde Hendryck solde bewysen dat
Luyken Ydkynghe doe nyet the Gronygen geweest waere doe
dye andere arffgenamen daer waeren, offte vellych der saeke, Hyer
omme moste Hendryck vallen yn broke offte yck solvest nae
luyt der seeker wysynghe dyt voerscr. bewyse yck myt myne
Dye eerste rocht breeff
eerste rochtbreeff all hyer present vander ffraters weegen geholden
daer sye oeck my all myen onkosten van betaelt hebben gelyck
sye my gelaevet hadden nae dess voerscr. tuychnysses hyer praesent
Alynge rocht breeff
Then anderden bewyse yck myt Henryck Alynghe rochtbreeff
dat Henryck syen bewyes voer recht brachte tho Gasselde daer
up wort Henrijck vry gekant, Alsoe bewyse yck nu dat
yck yn myen eerste rochtbreeff gevallen byn ynden drosten
broeke doe Henryck syen tuychnysse bewysede nae luyt der
seeker wysynge yn myen eerste rochtbreeff begreepen
Then darden bewyse yck claerlyken dat yck vanden vorscr. ffraters
weeghen straffen solde soedanne bewyes als Hendryck mydt
syen bloets bewanten ende saeke draegers voer recht tho Gasselde
hadde yngelecht myt der ffraters adhortatien offte gedacht
Paters hant schryfft
deedel dye dye X salige paeter tho geeselyken mageden myt syen eygen
hant geschreven hefft all hyer present daer yck noch twye rochten
omme geholden hebbe welke dye ffaters oeck alle bekostyget hebben
daer yn dye compromis breeff unde dye tuyghen beyde van
weerden gekant worden, alsoe dat yck dye nyet straffen konde
daer uuth kan men spoeren dat yck gevallen byn yn broeke uuth
de straffynge up Hendryck tuychnysse yn myener eersten rochtbreeff
Then veerden bewyse ick mydt dess drosten weete breeff
De droste wete breeff
heyr present, dat doe yck Henrycks tuychnysse unde syen
bewyes nyet konde neederlegge welk van dye XXIIII yn weerden
gekant wort daer omme yck der saeke solde vellych syen unde
lyet alle myen ghuet bepanden ende tho slaen yn Drenthe offte
offte (sic) yck solde daer een ordell vanden XXIIII ghaen laeten unde
wolde my alsoe dyffameert hebben dat my omme gheen gueet
lydelyck weest waere Dess soe hebbe yck meester Rolloff Staell
unde Eevert van Kovorden anden drosten gehadt unde dye
droste wolde nyet myn dan twee hondert daeler offte yck
solde van stonden an voer dye XXIIII etten, Soe hebbe yck dye
saeke up myen verschreven mannen unde dye droste oeck up twee
mannen als dye schulte tho Emmen unde Jacob Huysynghe
begheven dye welke dat maekeden up dree unde tnegentych daeber
Then vyfften dat dye Erbar Raet gheen ordel geweesen hefft
de kemynge des rades
als dye ffraters segghen dan alleene yn vruntschap gelyck wy
daer nae tho gheestelycken maegeden beghonnen yn praesent der
Erweerdygen doctoren Abbrynge unde Hieronimus Ffrederici
want hadde daer van een ordell uutspraeken weest soe hadden
wy nyet behovet hebben tho vruntschappen
Oeck hebbe yck vaeke gemaent Bartholomeus den paeter omme
den schaeden soe antworde hye my dat convent hefft nuu gheen
gelt, unde hefft my etlyke mael gelaevet dat sye wolden den
heert landes myt rechte vry kryghen den Ryxte Germets van hoer
ynde huyer hefft want Ryxte dat een huysman wedder .........
hefft tho Suytwolde unde wolden my den heert verhueren
weerde omme versettynge myner voerscr. schaeden dat welck nye gheen
voertganck gehadt heeft
Zyen anderde anclaeghe
Hyer omme blyeve yck by myen anderde anspraeke unde desser reformatien
up die selvyngen. myt oeck dye voerscr. tuychnyssen vertrouwe my
gansselyken dat myen wedderparten sulkes nyet straffen offte
beneven komen myt gheener waerheyt want hebben sy my myne
kosten tsaemen bethaelt soe eeghe yck ommers dye schaede soe wall
bethaelt thoe hebben als dye onkosten
Dyt alle tot erkentenysse luwes Erbaren rechtes unde offte yd nodych
waere myene wedder parten wat onrechtes yn leggen wolden daer
onverkortet yn toe syen.
x
| Archief | Groninger Archieven |
|---|---|
| Fonds | Arch. Klerken- en fraterhuis |
| Toegangsnummer | 1237 |
| Inventarisnr. | 0137 |
| Regestnr. | 311 |
| Register Feith | 1546.006.6 |
| Jaar | 1555 |
| Deviatie | 20 |