Wy Borgermesteren ende Raedt Taelmans vande Swoerne meente sampt Bouwmesteren vande Ghylden
in Groeninghen Bekennen ende Betueghen in ende vormydtz desen openen breve Dat de weerdighe
ende Religiose heer de pater ende Convent vant Fraterhues binnen unser Stadt uns tut behoeff ende
nutticheit der selver Stadt verlach hebben gedaen myt twyntich dusent backsteens waer voer wy
hem ende hoeren nakomelingen hebben ghegunt ende tho gestaen szodanen stucke mueres van unser
Stadt muere streckende van dat klarcke hues aff hen an dat hues daer de onderkoster tho sunte
Walburgen yn woent myt de dickte des sueder mueres an Rengers wall tsamen sesstyn roede
ghemeten Myt den beschede dat wy offte unsse nakomelingen tho allen tyden wanner de stadt
de vorscr. muere weder an sich will edder begheert tho nemen sullen ende willen wy den pater
ende Convente voergen. offt hoeren nakomelingen daer voer vernoeghen twintich ghelyke dusent
back steens offte de weerde daer voer Sunder argelist Dat oerkunde wy myt unser stadt
Secreet Ghegeven inden Jaeren unses heren dusent vyffhundert Sess ende vyfftich den Soe
ventynden dach May.

x

x

Archief	Groninger Archieven
Fonds	Arch. Klerken- en fraterhuis
Toegangsnummer	1237
Inventarisnr.	0040
Regestnr.	312
Register Feith	1556.005
Jaar	1556
Datumcode	1705

x

x

x

Materiaal	perkament