Burgemeesters en raad te Groningen verklaren dat de meesterse en de zusters van het Vrouw-Menoldaconvent te Groningen, ingevolge een schenking van Robeke Zwideke aan tien kloosters, verplicht zijn aan de priesters en zusters te Feldwerd jaarlijks voor 2 1/2 gulden olie te leveren, waarvoor de conventslieden van Feldwerd een aantal zielenmissen zullen houden.

Wy borgermesteren ende raed in Gronnygen betugen myt desen openen
breve dat voer ons synt ghekomen de Mestersche ende ghemen susteren
van Verneynolde convente by den mynre broderen in Gronyngen ende
bekande dat se van der gave weghen de Robeke Zwideke ghegeven
hevet toe tyen conventen ende hem bevolen hevet syn sculden alle iaere
toe den presteren ende gheleerde nonnen toe Ffeldwerde toe geven also
voele olije als men in der tijt der betalynge mach kopen in Gronyngen
daer he best veile is omme darden halven gulden dertyn korte groete twelef
lelyers ofte tyen vlemesche placken voer den gulden gerekent toe
betaelen jaerlix toe vastelavende ende de convents luden toe Ffeldweerde
vorscr. sollen de vorscr. olije selven halen laeten ende delen den all ghelike
den presteren ende geelerden nonnen toe ewighen daeghen Ende daer voer sollen
de vorscr. convents lude toe Ffeldwierde jaerlix begaen twe memorien
de ene in der weke als komet sunte Andreas dach Ende de ander als
komet sunte Tyburcius dach in den meye voer Robekens ziele Ebben syns
wyves Ffrederick Zwydeke Ghezen synes wyves Arent Hoeffnagels
Elleken synes wyves ende Yeyen Hoefnagels ghelijck als se memorien
van horen presteren plegen toe begaen tot ewighen daeghen Ende worden
de vorscr. prestere ende nonnen versumich in der begancknisse der vorscr.
memorie oft verghene alsoe seer dat se noch prestere noch geleerde
nonnen en hadden soe en solemen hem dan de vorscr. renthe jaerlix nyet
gheven meer de solde men den anderen convente omme delen al gelike
de Robeken oeck begavet hevet al wantter tijt dat se presteren ende
nonnen weder kregen de vorscr. memorien begaen mochte soe solde
men hem dan de vorscr. renthe weder geven. Mer verquadede de rente
de Robeken daer toe ghegeven hevet daer en solden de mestersche ende
susteren vorscr. neghenen schaden by lijden meer de scaden sollen de tyen
conventen al gelyke lijden Sunder argelijst. Dat orkunde wy myt
onser stad secreet. Ghegeven inden iaere ons heren dusent vierhundert ende
twelve up sunte Poncianus dach.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	2
Fol.nr.	fol. 43r
Regestnr.	88
Olim	Losse kloosterstukken, inv.nr. 1, reg. 4. Reg. Feith 1412.8.
Jaar	1412
Datumcode	Pontia

x

x

x

Materiaal	perkament