Peye Lyppuma in den Andel verklaart te hebben verkocht en over te dragen aan Mentet Dydsama en diens vrouw Fosse vijf schaapsgrazen land in de Ondelster uiterdijk, welke verklaring bezegeld wordt door Hinricus, pastoor in den Ondle.

Ick Peye Lyppuma wonende in den Andele Bekenne unde Betughe mit
dessen openen breve Dat ick heb vercofft steds vastes copes erfflick unde ewe
lick unde ummermeer Mentet Dydsama unde Fossen sijnen echte wijve vyf sca
pes grazinge gelegen op Ondelster Uuterdijck voer ene summe geldes die my
Peyen vorscr. van Mentet unde Fossen vorscr. degher unde all to mijnen willen wal
betaelt is den eersten pennick mitten lesten Hijr om so gheve ick Peye vorscr.
over unde late opp Mentet unde Fossen vorscr. desse vijff scapes grasynge vorscr. erff
lick ewelick unde ummermeer hem unde hoeren erffgenamen to bruken unde to versetten
to verwisselen unde to vercopen unde al oeren vrijen willen daermede to doen
buten mijnen offte mijnen erffgenamen overl moede offte weder seggen unde wil em
des guede vaste waringe doen vor my unde mijne erffgenamen unde vor al die ghene
die des to rechte willen off moegen comen sonder argelist Hijr hebben over unde
an gewesen Hebele Wijtekumma wedman in den Ondel unde Rebbeke op den Hol
lum in Mentets stede want Mentet selven wedman is wedmans wyze hijr
toe geropen unde gebeden In orconde unde tuech der waerheit desser vorscr. punten
Soe heb ick Peye vorscr. gebeden heren Hinrick in den Ondel dessen breeff vor
mij unde over my to bezegelen ende ick Hinricus curatus in den Ondle heb mijn
zegel om Peyen bede wille ende om mere vestenisse dessen vorscr. punten beneden
an dessen breeff gehangen In den iaer ons heren Dusent veerhondert Soven
unde vijftich opp den hilligen Palm dach.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 095r
Regestnr.	360
Olim	Arch. Klooster Selwerd, inv.nr. 1, reg. 164.
Jaar	1457
Datumcode	Palmar

x

x

x

Materiaal	perkament