Meesterse Aleit van der Lippe en het convent der zusters van de regel van Sint Augustinus in de Gereonisstraat te Colne verklaren dat zij hebben gekocht van wijlen Bernardus Mersman, priester van Stemvorden, een rentebrief d.d. 3 juli 1458, waarvan een kopie hierbij is geinsereerd, betreffende een jaarlijkse rente van veertien marken, en dat voor de bisschop, de deken en het kapittel de mogelijkheid bestaat deze rente terug te kopen met 220 rijnse guldens, welke oorkonde door Berend van Reyda, doctor in de heilige schrift, mede bezegeld wordt.

Wy Aleit van der Lippe Meystersche ende gance Convent der susteren van
Sunte Augustinus regulen op Sunte Gereonis strate in Colne En kennen ende betu-
ghen in dessen openen brieve Als wy hebben ghecoft van den Eersamen truhanderen
heren Bernardum Mersman priester van Steinvorden saligher ghedechtenisse enen
brief inholdende viertijn marck monsters payment Jaerliker erfrente die die
voerscr. Heer Bernt ghecoft hadde van den erwerdighen Hoegheboern fursten ende
Heren Heer Johan van godes ghenade Phaltsgreve by den Rijne Hartough in
Beyeren unde confirmaet der kerken toe Monster ende sijnen naecomelingen mit weten
ende vulbort der Erbere heren Doemdeken ende Capittel der kerken toe Munster vorscr.
nae inholt eens copes brieves daer op ghemaket ende gheseghelt die van woerde toe
woerde hijr nae bescreven alsus beghint: [...]

[VOLGT kla0386]

[...] Soe bekenne wy Aleyt meystersche ende gance Convent der susteren vorgen.
voer ons ende onsen naecomelingen unde beholder des copes brieves voergen. myt onsen
willen dat wy hebben ghegheven ende gheven onsen ghenedighen lieven heren van
Munster synen naecomelingen ende den Erberen heren Doemdeken unde Capittel
voer ghenoemt die ghenade eens wedercopes dat sie alle iaer unverjairt des
naesten daghes nae onsen liever vrouwen daghe Visitatio moeghen wedercopen van ons of
holder des principael copes brieves myt onsen willen die viertijn marck iaerli-
ker Rente mit twe hondert ende twintich gueder swarer overlandescher rijnscher
gulden Unde aller voersettener Rente Unde als dan soelen mijn ghenedighe here van
Munster syne naecomelinge Doemdeken unde capittel vorgen. weder an comen
int besit unde ghebruken der veertijn marck Rente voerscr. in aller mate ende aller
macht Ghelyck sie voer data des breves toe doen pleghen sonder arghelist
In orkunde der waerheit soe hebbe wy Aleyt meystersche unde gance convent
der susteren voergen. onses conventeszegel an desen brieff ghehanghen Unde toe
merer sekerheit soe hebbe wy ghebeden den erweerdigen meyster Berende
van Reyda Doctoer in der hilligher scrift dat hie sijn zegel mede an dessen
brief hevet ghehangen Des ick Bernardus vorscr. bekande unde om bede willen
der meysterschen unde des convents voergen. gheerne ghedaen heb Ghegeven
in den Iaer ons heren doe men screef duusent vierhondert ende sestich des achten
daghes nae onser liever vrouwen dach Visitacionis.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 017r
Regestnr.	418
Olim	Arch. Klooster Selwerd, inv.nr. 1, reg. 207.
Jaar	1460
Datumcode	oVisMar

x

x

x

Materiaal	perkament