Johan Westvelingh verklaart verkocht en bij stoklegging overgedragen te hebben aan Abell Onsta, hoofdeling te Sauwert, zes roeden veen, bedoeld in de hierbij getransfigeerde akte.

Ick Johan Westvelingk bekenne ende tuge myt dessen openen breve dat ick voer my ende myne erffgenamen hebbe verkofft
upgedragen ende overgegeven, den Ersamen Abell Onsta hoefftlingk to Sauwert ende sinen erffgenamen die ses roeden veens
myt sinen tobehoren daer de breff van spreket daer desse breeff doer getogen is, vry ende quijt ewliken ende erffliken
in allen manieren to bruken ende to besitten alze die selve breeff daer aff inholdet ende uutwyset, voer ene summe geldes
de ick Johan vorsc. bekenne dat my vull ende all is betalt Ende love voer my ende myne erffgenamen Abelen vorg. offte sinen
erffgenamen den stock daer van to leggen ende landrecht daer aff to doende wanneer sie des begerende sint offte noet is sunder
argelist in Orkonde hebbe ick Johan vorsc. gebeden den Ersamen Otto ter Hanzow borgermester in Groningen dessen breeff
over my ende voer my to bezegelen Ende ick Otto vorg. omme bede wylle Johans vorsc. hebbe myn zegell an dessen breeff
gehangen Ghegeven inden jaer onss heren dusent vierhundert vierendetsestich up sunte Valentinus Avent.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	268
Regestnr.	458
Olim	Arch. Klooster Wijtwerd, inv.nr. 21, reg. 83.
Jaar	1464
Datumcode	vValent

x

x

x

Commentaar	Met het zegel van Otto ten Hanzow, burgemeester van Groningen

x

Materiaal	perkament