Remke Lywerdes en zijn vrouw Tyake, woonachtig te Berom, verklaren dat zij overdragen aan abt Harmen en het convent te Feldwert al hun dijk en uiterdijkslanden, behorende bij hun land, en twee hemen te Berom, in ruil voor anderhalve roede dijk bij Jacob Grovenspoel, anderhalve roede min twee voeten dijk ten westen van de 27 1/2 roeden die het convent bij zijn poelen heeft en een som geld, welke verklaring bezegeld wordt door Derick, kerkheer te Berom.

Wy Remke Lywerdes ende Tyake myn echte huusvrouwe toe Berom
bekennen ende betugen myt desen openen breve dat wy myt vryen
willen ende gueden voerberaede hebben ghedaen een wyssel
ende een koep voer ons ende onsen erffgenamen ende myt craffte deses
breves verwysselen ende verkopen overgeven ende up draeghen
toe ewigen daegen den Ersamen heren heer Harmen Abt ende den
convente toe Ffeldwert anders gheheten Olden cloester van sunte
Benedictus orde gelegen by den Damme all unse uterdijck ende dijkes
voer in Berommer hemerick gelegen de up al onse lant ende up
unse twe heme toe Berum oft up unse dyke als twelff rode
off meer mach vallen want dat Convent vorscr. hebben myt
ons een wyssel gedaen ende van ons hebben angenomen toe
eweigen daege toe holdene ende ons ontlaesten van dre rode dijkes
twe voete myn quaedes dijkes de wy Remke ende Tyacke vorscr.
by Watum hadden de wy nyet wal staende mochten holden
Daer Gayke Sypens int oesten ende de van Nijen cloester int
westen ter zwete liggen ende hebben ons weder voer over gewesen
soe voele guedes dykes als vorscr. is Inden eersten ander halve
rode tegens Jacob Grovens pole daer Uubelens Wibbe ont oesten
ter zuette licht ten anderen ander halve rode myn twe voete van
oren besten dijken int westen van de XXVIIJ rode de se liggende
hebben an enen stucke tegen oren poelen waer omme geve wy
Remke ende Tiacke vorscr. den abt ende den convente vorscr. over ende up
dragen alle de ansprake ende egendoem de wy hebben moeghen up
den uterdijck vorscr. vrij ende quijt ewelick ende erfflick myt al sijn
toe behoer verberinge ende anworp voer ene summe geldes de
ons Remke ende Tiacke vorscr. dat convent vorscr. noch toe hebben
gegeven ende ons vul ende al wal betaelt is ende wes dese wyssel
vorscr. beter mach wesen dar geve wy sunte Benedictus ende synen
convente vorscr. voer een testament beholdelick uns Remke ende
Tiacke vorscr. ende unsen eerffgenamen soe voele eerden daer wy onse
dijke hent noet is daer aff maken mogen sunder argelyst
Hijr by over ende an dessen wyssel toe maken hebben gewest
Wybke Ubelens toe Addynge weer ende Ludo Doeckens toe
Spijck In oerkunde der waerheit heb wy Remke ende Tiacke
vorscr. gebeden onsen Ersamen kerckheren heer Derick toe Berom
desen breff voer ons toe besegelen dat ic Theodericus vorscr.
om ore twier bede willen vorscr. geerne gedaen hebbe Int
iaer ons heren dusent vierhundert ende dreentnegentich des
daeges nae sunte Dorotheen dach Juffer ende martlaersche.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	2
Fol.nr.	fol. 13v
Regestnr.	810
Olim	Losse kloosterstukken, inv.nr. 1, reg. 61. Reg. Feith 1493.20.
Jaar	1493
Datumcode	cDoroth

x

x

x

Materiaal	perkament