Johannes van Groeninghen, pastoor in den Andel, verklaart te hebben verkocht aan abt Gheerd en het convent te Zelwert een heem met behuizing te Bafflo, bedoeld in de hierbij getransfigeerde akte, welke verklaring wordt bezegeld door Albert Vresse, persona te Bafftlo.

Ick Johannes van Groeninghen Cureet in den Andel bekenne in deser scrift
voer my ende mynen erfgenamen Dat ick hebbe vercofft op ghedragen ende overghegeven
den eersamen heren Meyster Gheerd Abt toe Zelwert ende synen Convente een heem
myt sijn tymmer alst nu steet liggende in den kerspel toe Bafflo in alien formen
ende manieren Daer die brief van spr Jcet daer dyt transfix doer ghetoghen is
voer een somme gheldes daer my Johannes voerscr. wal anghenoeghet hevet den
iersten penninclc vol ende al is betaelt myt den lesten In orkunde der waerheit
heb ick Johannes voerscr, ghebeden den erbaren heren meyster Albert Vressoen persoen
toe Bafftlo desen brieff voer my ende over my toe beseghelen des ick Albertus
voerscr. gherne ghedaen hebbe om Johannes bede wille voerscr. Ghegeven int iaer ons
heren duusent vierhondert ende vierentachtentich des donredages nae Sunte Lucien
dach.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 010v
Regestnr.	0836*
Olim	Arch. Klooster Selwerd, inv.nr. 1, reg. 413.
Jaar	1494
Datumcode	JpLucie

x

x

x

Materiaal	perkament