Johannes Wemerynck, abt en schepper te Thermunte, en Egbertus Levynck, commandeur te Oesterwerum en schepper te Oterdum, rechters en eigenerfden van beide zijlvesten verklaren op nader omschreven voorwaarden een overeenkomst te hebben aangegaan over de aanleg van een nieuwe zijl te Oterdum.

Wy Johannes Wemerynck abbt unde schepper ther munthe, unde Egbartus Levynck commenduir tho Oesterwerum unde schepper tho Oterdum
unde vordt rechteren unde eghen arffden van beyden zyllvesten, doen kundt unde bekennen saemptlyken dat wy hebben een verdrach unde
over kumpst Ingheghaen unde ghemaket my malkander um een nijen zyll tho leggen tho Oterdum In maneren nae bescreven
In den ersten solen beyde zyllvesten syckhollden tot den nijen zyll In allsulke ordinancie see dus lange syck hehollden hebben
nae Inholt oer beyder zyll boken, gravende unde In eeren holldende alle maren unde marcken unde waterpendynge soe wy de nuu
hollden, alls dat de waterynge nae zyllvest recht tot den zyll moghen uuth wateren nae ollder costume Item noch synnen vorwarden
alls dattet vorscr. Oesterzyllvest sall up brengen unde over antworden dat wester zyllvest tot horen profijt anderhallff hundert dalers
oren vordell daer mede tho moghen doen, de hundert alls de zyll anghegrepen wordt tho tymmeren, unde de ander vyftych alls de
zyll gherede ghetymmert ys, um dat de bodum van den ollden tho Oterdum dat weester zyllvest pretendeert tho tho komen, unde In den
nijen zyll ghelecht sall worden Item noch bynnen vorwarden dat beyde zyllvesten tot betalynge des nijen zylls by dat weester
zyllvest ghekoft In betalynghe daer tho solen contribueren gras gras ghelyck, unde den ollden zyll hellpen uuth wynnen de kule rumen unde
den nijen zyll hellpen tho leggen alls vorscr. nae gras taell gras ghelyck, unde allsoe den tho under hollden Item noch bynnen vorwarden
off tot enygen tyden ghevell alls dattet wester zyllvestz water, dat oester zyllvestz water nycht kunden lyden, unde daer doer manck
lyck worden beschadyget dat by eerkentenysse van gueden luden des verstandtz hebbende den beyden zyllvesten vorscr. unpartijch
sall alls dan dat oester zyllvest ghehollden wesen tot horen kosten behoerlyck myddell soeken off doer sulken myddell dat oesterwater
gheleden myuchte worden, soe dan gheen myddell ghevonden kunde worden alls dattet oesterwater gheleden kan worden, sall alls dan
dat oester zyllvest ghehollden wesen een zyll tho leggen by den zyll tho Oterdum allsoe dat se buten tot enen mude beyde nutte ende
ghelegen moghen uuth wateren nae wyder Inhollt der beredynge by stadthollder unde hoftluden gegeven Anno dre unde vijftich Item
noch bynnen vorwarden soe dan bevonden muchte worden by der wester zyllvesten dat oesterwater alls vorgen. mocht lydelyck tho syn sullen
alls dan ghehollden wesen In kracht deser allsulke anderhallff hundert dalers alls vorscr. unde noch allsulke pennyngen dat oester zyllvest
noch tot den zyll sall contribueren unde gheven weder um gheren, beholltlyck alls dat men dat oester zyllvest alltyt twe jaren van te voren sullen
sulke rekende unde lydelyke beswarynge affseggen, unde daer mede dat oesterzyllvest sall van den zyll off gewesen wesen myt dan van stunden an
mytz den tho betalen de eerste termynen dat oester zyllvest gherede totten zyll heeft betaellt unde daer nae up allsulke termynen van betalynge
nae den anderen vollgende alls dat oester zyllvest heeft betaellt eer enyghe affwysynge sall komen tho ghelaten worden um bequamlyck
tot den mynsten schaden dan mydlertyt dat oesterzyllvest mach raden tot enen nijen zyll als vorscr. myt dattet oesterzyllvest ock ghehollden
sall syn myt dat oesterzyllvest nae gras taell ghelyck alls vorscr. den kuell daer dat oester zyllvest haer zyll sall leggen hellpen graven ende den zyll
hellpen tho leggen alles sunder arch unde lyst Orkunde dysser waerheyt hebben wy Abbt unde commenduir vorscr. beyde unse segell beneden an dussen
breeff ghehangen In den jaer uns heren dusent vyff hundert soven unde vyftich den darden Martii

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	230
Regestnr.	1079
Olim	Arch. Klooster Oosterwierum, inv.nr. 7, reg. 23. Reg. Feith 1557.4.
Jaar	1557
Datumcode	0303

x

x

x

Commentaar	Met de zegels van Johannes Wemerynck en Egbartus Levynck

x

Materiaal	perkament