| Nummer:kta061 | Datum:31 okt. 1484 | Overlevering: | Vindplaats:Klooster Ter Apel, inv.nr. 0031, reg. 61 |
Prior en convent te Apel gaan een overeenkomst aan met Menne Hoissinck, Jacob Trenningh, Elzo ter Walslage, Kerstken ter Wyssche, Johan Schwingh, Ayken Warningh, Hysken ter Borch, Albert Sickens, Haye Wazekens en Johan Veltman, gemene buren van Lauwede, over het zetten der scheidpalen tusschen de goederen van het klooster te ter Apel en de mark van de gemeene buren van Lauwede.
Copia littere contraccionis concordacie et divisionis terre
et nemoris inter burones de Lauweden et nostrum conventum.
Toe weten dat in den iare onsaes heren dusent vierhondert ende sovenentzoventich
des ersten dages na nyeniares daghe hebben de gheistlike broder
Hinrick van den Berge prior toe Apell van wegen des Conventes vorscr.
unde de Ghemene bure van Lauwede ene fruntlike schedinghe
ghedaen des grondes landes unde holtes tusschen des Cloesters
gronde ende Lauweder marke vorscr. unde een pael up den Broyl
aldoe voirt ghesat waer to men noch twe pale setten solde up
beyden eynden des Schulten slotes unde dan dat also up
beyden zyden bebreven welke vorder bepalinge und maken der breve
als ene wyle versumet is hebben beyde parthen angemercket
sterfflicheit der teghenwordiger tyt der pestilencien waer omme
hebben de sulve broder Hinrick prior und Convent toe Apell vorscr.
up de ene unde Hysken ter Borch Meyme Hoissinck Iacob Trenningh
, ELzo ter Walslagen Kerstken ter Wissche welke dreenaist oec weten
van den twalff gesworen des landes van Westerwolden daer toe Ayken
Warmingh Johan Schuringh Albert Sickens Hayo Wazekens und
Johan Veltman up de anderen zyde In den iare onsses heren dusent
vierhondert vierentachtentich up dach Sancti Remigii Confessoris de
vorscr. scheidinge myt malckanderen fruntliken verdraghende belevet
und in maneren nabescreven als oec voer bededinghet was nu upt nye
toe ewigen tyden toe holden gesloten und anghenomen Enen pael salmen
setten upt eynde des Schulten slotes by der Ae und enen pael upt
eynde des sulven slotes in den broke staende lynrecht uut up den paele up den
Broyle staende unde voirt upwert de Ryte de Broyl Ae geheiten
toe volghen went teghen Olbades hole up der Hanentanghen
staende up welke hale oec een pael steet de des Cloisters grondt
vorscr. unde der buren van Langhen grondt scheedende is Dyt
so vorscr. is bynnen den dreen paelen up des Schulten sloit unde
Broyl staende unde vort upwert de Ryte de Broyl Ae geheiten toe
volghende went tegen Olbades hole vorscr. als belegen is in dande
sande watere holte torve myt aller ander gelegenheit unde
nutticheit sall toe ewigen tyden hebben und rostliken besitten und
holden gelyck eygen arffachtich vry dorslachtich hoifftguet
prior und Convent vorscr. und ere nakomelingen und all eren
willen und orbar mede doen buten buren vorecr. eren erffgenamen offte
yummant anders van erer wegen ufspreken besperingen eder ovelen
moet Unde wat buten palen und Ryte vorscr. gelegen is in lande
sande holte torve und ander nutticheit sullen hebben unde ter
erfftale besitten rostliken to ewigen tyden bure van Lauwede und
ere erffgenamen vorscr. gelyck eren eyghenen arfftighen vry doerslachtigen
gude bitten upspreken besperingen eder ovelen moet prioris und
Conventes vorscr. offte yummant anders van erer wegen welke
twe paele up beyden eynden des Schulten slotes gesat hebben up dach
Gereonis et Victoris in den iare onsses heren M CCCC LXXXIIII
in tegenwordicheit prioris und Conventes vorscr. Meyme Hoissingh
Iacob Tremmingh Elzo ter Walslagen Ayken Warmingh Iohan Schuring
Iacob Sickens Haye Wazekens myt Consentte Kerstkens ter
Wyssche und Iohan Veltmans Ende Hysken en hadde daer
by nummant geschicket want he up dach des verdrages
als Sancti Remigii beleveden und tostont in tegenwordicheit des
Erberen heren Gherdes kerchere to Roiswinkell und Iohan Odens
unde der sementliken anderen buren van Lauweden dat de
bure vorscr. buten syner tegenwordicheit de pale vorscr.up steden
vorscr. up richten mochten unde setten welke twe pale up beyden
eynden des Schulten slotes sollen holden is wesen toe ewigen
tyden prior und Convent vorscr. und als de pale vergaen sullen
prior und convent vorscr. de vernyen in tegenwordicheit twyer
bure van Lauwede Ende ere erffgenamen sullen in wesen holden den
pael up den Broyl staende und als de vergait vernyen in tegen
wordicheit des prioris in der tyt toe Apell vorscr. und dyt all
sonder Arghelyst Alle puncten vorscr. und een ytlick bysonder bekennen
wy prior und Convent to Apel vorscr. und wy Meme Hoissinck
Jacob Trenningh ELzo ter Walslagen Kertken ter Wyssche Johan Schu
ringh Ayken Warmingh Hysken ter Borch Albert Sickens Haye
Wazekens Johan Veltman bure vorscr. ware to wesen und loven
vor onss und onssen nakomelingen und erffgenamen to ewigen tyden stede
vaste und onverbroken toe holden und wy beyde parthen prior
und Convent und zementlike bure van Lauweden vorscr. hebben
des to merer vestnissen und orkonde der wairheit gebeden demen
Ersamen heren Gherde kerchere to Roiswinkell und van keyser
liker macht notarius dossen breeff to besegelen Welck Ic
Gherardus curatus vorscr. omme bede willen beyder parthen und
want ic hyr mede an und over ghewest byn und all arti
culen so vorscr. is ware synt my bekenne gherne ghedaen
toe hebben und want disser breve twe is ghelyc ludende
der ene ytlick parthe een sall hebben Soe heb ic myn
Segell beneden an beyden breven wytliken gehangen und
enen ytliken parthe enen ghedaen Datum Anno domini M CCCC
LXXXIIII des sondages na dach omnium Sanctorum.
et nemoris inter burones de Lauweden et nostrum conventum.
Toe weten dat in den iare onsaes heren dusent vierhondert ende sovenentzoventich
des ersten dages na nyeniares daghe hebben de gheistlike broder
Hinrick van den Berge prior toe Apell van wegen des Conventes vorscr.
unde de Ghemene bure van Lauwede ene fruntlike schedinghe
ghedaen des grondes landes unde holtes tusschen des Cloesters
gronde ende Lauweder marke vorscr. unde een pael up den Broyl
aldoe voirt ghesat waer to men noch twe pale setten solde up
beyden eynden des Schulten slotes unde dan dat also up
beyden zyden bebreven welke vorder bepalinge und maken der breve
als ene wyle versumet is hebben beyde parthen angemercket
sterfflicheit der teghenwordiger tyt der pestilencien waer omme
hebben de sulve broder Hinrick prior und Convent toe Apell vorscr.
up de ene unde Hysken ter Borch Meyme Hoissinck Iacob Trenningh
, ELzo ter Walslagen Kerstken ter Wissche welke dreenaist oec weten
van den twalff gesworen des landes van Westerwolden daer toe Ayken
Warmingh Johan Schuringh Albert Sickens Hayo Wazekens und
Johan Veltman up de anderen zyde In den iare onsses heren dusent
vierhondert vierentachtentich up dach Sancti Remigii Confessoris de
vorscr. scheidinge myt malckanderen fruntliken verdraghende belevet
und in maneren nabescreven als oec voer bededinghet was nu upt nye
toe ewigen tyden toe holden gesloten und anghenomen Enen pael salmen
setten upt eynde des Schulten slotes by der Ae und enen pael upt
eynde des sulven slotes in den broke staende lynrecht uut up den paele up den
Broyle staende unde voirt upwert de Ryte de Broyl Ae geheiten
toe volghen went teghen Olbades hole up der Hanentanghen
staende up welke hale oec een pael steet de des Cloisters grondt
vorscr. unde der buren van Langhen grondt scheedende is Dyt
so vorscr. is bynnen den dreen paelen up des Schulten sloit unde
Broyl staende unde vort upwert de Ryte de Broyl Ae geheiten toe
volghende went tegen Olbades hole vorscr. als belegen is in dande
sande watere holte torve myt aller ander gelegenheit unde
nutticheit sall toe ewigen tyden hebben und rostliken besitten und
holden gelyck eygen arffachtich vry dorslachtich hoifftguet
prior und Convent vorscr. und ere nakomelingen und all eren
willen und orbar mede doen buten buren vorecr. eren erffgenamen offte
yummant anders van erer wegen ufspreken besperingen eder ovelen
moet Unde wat buten palen und Ryte vorscr. gelegen is in lande
sande holte torve und ander nutticheit sullen hebben unde ter
erfftale besitten rostliken to ewigen tyden bure van Lauwede und
ere erffgenamen vorscr. gelyck eren eyghenen arfftighen vry doerslachtigen
gude bitten upspreken besperingen eder ovelen moet prioris und
Conventes vorscr. offte yummant anders van erer wegen welke
twe paele up beyden eynden des Schulten slotes gesat hebben up dach
Gereonis et Victoris in den iare onsses heren M CCCC LXXXIIII
in tegenwordicheit prioris und Conventes vorscr. Meyme Hoissingh
Iacob Tremmingh Elzo ter Walslagen Ayken Warmingh Iohan Schuring
Iacob Sickens Haye Wazekens myt Consentte Kerstkens ter
Wyssche und Iohan Veltmans Ende Hysken en hadde daer
by nummant geschicket want he up dach des verdrages
als Sancti Remigii beleveden und tostont in tegenwordicheit des
Erberen heren Gherdes kerchere to Roiswinkell und Iohan Odens
unde der sementliken anderen buren van Lauweden dat de
bure vorscr. buten syner tegenwordicheit de pale vorscr.up steden
vorscr. up richten mochten unde setten welke twe pale up beyden
eynden des Schulten slotes sollen holden is wesen toe ewigen
tyden prior und Convent vorscr. und als de pale vergaen sullen
prior und convent vorscr. de vernyen in tegenwordicheit twyer
bure van Lauwede Ende ere erffgenamen sullen in wesen holden den
pael up den Broyl staende und als de vergait vernyen in tegen
wordicheit des prioris in der tyt toe Apell vorscr. und dyt all
sonder Arghelyst Alle puncten vorscr. und een ytlick bysonder bekennen
wy prior und Convent to Apel vorscr. und wy Meme Hoissinck
Jacob Trenningh ELzo ter Walslagen Kertken ter Wyssche Johan Schu
ringh Ayken Warmingh Hysken ter Borch Albert Sickens Haye
Wazekens Johan Veltman bure vorscr. ware to wesen und loven
vor onss und onssen nakomelingen und erffgenamen to ewigen tyden stede
vaste und onverbroken toe holden und wy beyde parthen prior
und Convent und zementlike bure van Lauweden vorscr. hebben
des to merer vestnissen und orkonde der wairheit gebeden demen
Ersamen heren Gherde kerchere to Roiswinkell und van keyser
liker macht notarius dossen breeff to besegelen Welck Ic
Gherardus curatus vorscr. omme bede willen beyder parthen und
want ic hyr mede an und over ghewest byn und all arti
culen so vorscr. is ware synt my bekenne gherne ghedaen
toe hebben und want disser breve twe is ghelyc ludende
der ene ytlick parthe een sall hebben Soe heb ic myn
Segell beneden an beyden breven wytliken gehangen und
enen ytliken parthe enen ghedaen Datum Anno domini M CCCC
LXXXIIII des sondages na dach omnium Sanctorum.
x
| Archief | Groninger Archieven |
|---|---|
| Fonds | Klooster Ter Apel |
| Toegangsnummer | 1373 |
| Inventarisnr. | 0031 |
| Regestnr. | 61 |
| Jaar | 1484 |
| Datumcode | OmnSan |