Robert van Ittersym richter te Herdenberge, oorkond dat Wolter van Oy en zijne echtg. en anderen hebben verkocht hun erf en goed, geheeten de Heetberch, aan Hynrick Kampherbeecken en zijne echtgenoote behoudene enkele jaarlijksche mudden aan ‘die kynderen offt jonfferen van Diffelen’ en aan het convent van Sybbekuloe

Copia littere de praedio nostro empto terre Herdenberch.
Ick Robert van Ittersym inder tyt Rychter ten Hendenber
ge bekenne ende betuge myt dessen openen breeve dat vor
my gekomen synt int gerichte dair Ick sat toe gerichte myt
mynen koirnoeten nae beschreven als ick myt Rechte solde
Wolter van Oy ende Greete syne echte huysfrouwe myt
Wolter voirscreven oren momber Ende Derick Essynok ende Jutte
zyne echte huysfrouwe myt Derick voirscr. oren momber hem
beyden gegont ende ghegeven als Recht was. Ende bekanden
woe dat see verkoefft hadden ende verkofften voir hem ende
oren eerffgenamen stedes vastes eerffkoeps eerfflyck ewelick ende
ommermeer ellick oer halve Eerve ende guet ghehieten dye Heet
barch Hynrick Kampherbeecken Myllen synre echter huysvrouwen
ende oren eerffgenamen omme enen Somme geldes die hem voll de
ger alinck ende wall betalt ys ten gueden tyden den lesten pennynck
mytten yrsten als see voir my bekanden Soe dat vorscr. Erve
ende guet geheeten die Heetberch inden kerspell ende gerychte
van den Herdenberch inder marcken van Baedeler ende van
Nyensteden mach gelegen wesen myt allen zynen olden ende
nyen toebehoeren hoge unde lege myt eynde myt egge myt water
myt weyden toe holte toe twyge toe torve toe heyde toe velde
Myt aller slachter not ende soedaene wairtall op Vairloe als
Derick Holtynck den god genaede dair voertydes toe gehadt ende
gebruecket hevet ende indes holtrichters Cedelen gheschreven
stten Eende Wolter ende Derick voirscr. myt oren huys
frouwen vorscr. synt ellick dat halve Eerve geheeten den
Heetberch myt allen synen tobehoeren als voirsor. steet voir hem
ende voir ore twyer erffgenamen uutgegaen myt hande myt monde
myt aller oplatyngen ende avergevynge als recht is tot behoeff
Henrix Myllen synre huysffrouwen voirscr. ende oren erffgenamen
Ende see loeffden voir hem ende oren eerffgenamen Henricke ende Myllen
synre huysfrouwen voirscr. ende oren eerffgenamen dat voirscr. Erve ende
guet kommervry toe leveren ende toe waeren ende allen voerkommer
afft doen ende woe men dat myt rechte inden lantrechte schul
dioh is toe waeren ende toe staene voer alle die gene die des
toe Rechte komen wyllen beholtlicken dertyen mudde Roggen
die jairlix uut Wolters voirscr. sinre helffte versat synt dair
die kyndere offt Jonfferen van Diffelen die fwellff mudde jair
lix uut hebben ende dat Convent offt Cloester van Sybbekeloe
een mudde Roggen voirscr. Ende uut Derickes voirscr. heelffte
hefft dat voirscr. Cloester van Sybbekeloe oeck jairlix een
Mudde Roggen ende anders allen voirkommer afft doen Alle dinck
Sonder argelist Hyer waren myt my aver ende aen als koirnoeten
ende gerichtesluede Johan van Yttersym ende Johannes Holt Oir
konde ende tuch der wairheit aller puntten voirscr. Soe hebbe ick
Robert Rychter voirscr. myn Segell beneden an dessen breeff gehan
gen Ende om der mere vestenisse wyllen Soe hebben wy
Wolter ende Derick voirscr. onse Segelle voir ons ende mede als mom
bers onser huysfrouwen ende onsen eerffgenamen mede an desen bryeff
gehangen. Ghegeven int jair ons heeren duysent vyffhondert
des Saterdaeges na onser liever vrouwen dach visitacionis.

x

x

Archief	Groninger Archieven
Fonds	Klooster Ter Apel
Toegangsnummer	1373
Inventarisnr.	1
Fol.nr.	fol. 046v
Regestnr.	117
Jaar	1500
Datumcode	SpVisMar

x

x

x

Commentaar	Bij dit stuk behoort no. 133 als transfix.