Doede Rijfsens en zijne huisvrouw Aybeke verkoopen aan het convent van ter Apel een ‘heert ende arve up de Vennen’ onder Stedum met huis en schuur, daarop staande ‘mijt vijffende veertichste halff graese landes urn de vorsz. hoeffstede, husynge ende hemige liggende, daer een cleyn heem mede ys ingerekent geheten scrivershoerne’.

Wy Doede Rytsens ende Aybeke zyn echte huysfrouwe bekennen ende belyen in dessen
openen beseghelden breve dat wy samentlike
myt gueden voerberaden mode by vullen consent toedoen ende toestant Gaykens Ffericks
ende Aytkens Doedens vorscr. ghebroderen hebn
vercofft updraghen ende overgheven ende in crafft dessen breves voer uns ende unsen Arffgenaroen vercopen updragen vry toestaen ende
overgheven den Ersamen Heer Jacob van Wynckel Prior ter Apell ende den Ghemenen
Conventes lueden daer solvest ende al oren
Naecomelingen unsen heert ende Arve up de Vennen daer wy nu ter tijt upwoenen myt den huese ende schuere daer up staende
eertvast nagelvast so als se nu staen nycht uutghenomen myt vijffendeveertichstehalff graese landes um de vorscr. Hoeff-
stede husynge ende heminge liggende daer een cleyn heem mede ys ingerekent geheten Scrivershoerne daer Wemele Mep-
sche ende Egge Julkens an de Koevenne updde noertwesterzijt ende Wyllem Wolters ende Nanneke ten Damme upde zuedoesterzijt
ende Mester Lyuken to Stedum kercher ende Jacob Hilbrandes up de zuetwesterzijt naest
synt by ter zwette ghelegen voer ene
Summe gheldes de uns Doede ende Aybeke van den Prior ende Convente vorscr. vul all ende wal ys betaelt waer um wy
Doede ende Aybeke by vullen consent unser ghebroderen vorscr. voer uns ende unsen arff-genamen vry overgheven ende toestaen den Prior
ende Convente vorscr. ende al oren nacomelingen dyt vorscr. arve husinge heminge schuere ende lant myt al de heerlicheit eghen
doem ende toebehoer daer up vallende to bruken to besitten to verhueren to verwesselen ende al oren vryen wyllen daer
mede to doen ewelick ende arfflick sunder arghelyst Unde so loeven wy Doede ende Aybeke vorscr. voer ons ende unsen erffgenamen
den Prior ende Convente vorscr. ende oren nacomelingen vrye waringe ende leveringe to doen voer alle ansprake de daer
in toecomenden tyden up dat arve ende lande vorscr. comen muchte des tot ener merer sekeringe sette yc Doede vorscr. myns
wyves Aybekens vorscr. al oer lant dat wy nu ter tyt bruken by oren vryen ende vullen consente voer een borge ende daer toe
al unse guet replic ende onreplic wij nu hebben ende verwarven moghen voer al ansprake
up dyt vorscr. lant ende arve
muchte verrisen buten des Conventes schade ende onkost Hyer hebben by an ende over ghewesen als dedinghes luede Her Bolde
wyn kercher to Gerlesweer Her Popke vicarius to Stedum Allert Menckens Peter Heynens to Hoexmeer ende voert als getuge
daer to geesschet do desse segellatie gheschach In Orkunde al desser punten vorscr. hebben wy Doede ende Aybeke gebeden
den Ersamen mester Lyuken unsen kercheren dessen breeff over ons to besegelen wes he alsoe um unse bede wille hefft
gedaen Int jaer onss heren Dusent vijffhomdert ende dree des naesten dages na sunte Ffranciscus dach confessoris
O : Item de allodio empto tho Stedum a Dodo Rytsens.
M
Een tweede exemplaar van dezelfde oorkonde heeft als DORSO:
Item de praedio nostro empto prope Stedum a Dodo Rytsens m.a.h. bis habetur una est in cista conventus
littere de predio Stedum K.

x

x

Archief	Groninger Archieven
Fonds	Klooster Ter Apel
Toegangsnummer	1373
Inventarisnr.	44
Regestnr.	126
Register Feith	1503.027
Jaar	1503
Datumcode	cFranci

x

x

x

x

Commentaar	Met het zegel van Lyuken, kerkheer te Stedum, in groene was

x

Commentaar	N.B. Vermeld Feith Reg. 1503. no. 27.