Menno Houwerda, hovelynck then Damme, oorkondt, dat Tyddo Popynck een ‘eerfwissel’ heeft aangegaan met Gerhardus Hasselt, prior en de gemeene conventualen van ter Apel, waarbij het convent heeft gekregen 4 deimaten metland, geheeten Hynckesbulte en 2 deymaten meden in Winschoten en derdehalff achter tho Wynschotte, waarvoor Tyddo Popynck van 't convent heeft gekregen 5 akker land gelegen in den Ham in de groote Venne.

Ick Menno Houwerda hovelynck then Damme doe kundt unde bekenne myt dessen mynen oepenen bezegelden breve woe dat vor
my yn egener persone komen tuide erschenen ys die Erbere unde vrome Tyddo Popynck unde bekande voer hem unde syne
eerffgenamen dat hie hadde gedaen unde gemaket unde dorch macht van dessen makede een ewich eerffwessel van landen
mydt den religiosen heren Gerhardo Hasseldt Prior tho Apell unde mydt den gemeynen Conventualen des conventes verscr.
In maneren als volghet Inden eersten soe sal Tyddo voer hem unde syne eerffgenamen verlaten veer deymath metlandes gehieten
Hynckes bulte daer Eppe Zypekens Inden Bleyham upt sueden ys angeswettet unde Luppe Luppens ant noerden unde int
westen die Vorwoldt sloet Noch twee deymath meden daer Jacobus tho Wynschotte up Int sueden unde die Vorwoldt sloet
Int westen Int noerden dat Convent sulvest mydt twee deymath synt geswettet Noch derdehalff acker tho Wynschotte Int
oester ende gelegen In lupke Aelkens saete Lupke solvest ant oesten unde Haijke Aeldes eerffgenamen Int westen synt geswet
tet vort up unde uuth gelyck nabuer landt daer by geleghen dyt vorscreven landt sal unde wyll Tyddo Popynck voerscreven den
Convente vry verdich leveren unde waren voer alle anspraeke van rechten voer hem unde syne eerffgenamen alsoe dat
hie noch syne eerffgenamen noch yemant van horen weghen daer recht om beholden sollen unde stellet myt dessen bre
ve vorts unde van stunden an den Convente yn vullencomen besydt unde gebrueck van landen vorscreven alsoe dat dat Convent ther Apell sal unde mach die landen voerbenoempt van stundes an gebrueken verhueren vercoepen verwesselen voer
hoer unde horen naekoemelingen unde alle horen vryen wyllen daer mede doen buten Tydden unde syne eerffgenamen wedder
sprekent Hyr entegens soe gyfft die Prior unde die gemeyne Conventualen tho Apell ewentlick unde eerffliken den Erbereb
Tyddo Popynck unde synen eerffgenamen vyff acker landes geleghen yn den Ham yn syns sulvest heerdt yn die Groete Venne
streckende yn dat noerden ynde den Dullert noch beth drie acker landes yn VI acker landes yn Unneke Allers landt gelegen daer my Tyddo die drie acker van synt angeeerfft van myn olderen daer salighe Unnecken eerffgenamen ant oesten
synt geswettet unde salighe Dole Doyens eerffgenamen ant westen streckende up unde uuth gelyck swette daer by des loven
oeck Prior unde Conventualen vorscreven voer hoer unde horen naekoemelingen dat sie
Tyddo unde synen eerffgenamen die vorscreven landen
wyllen waren unde leveren voer alle anspraeke als Tyddo verscreven gelovet hefft sunder alle argelyst nae vermeit Seghel unde bre
ven Tydden voerbenoempt daer van gegeven Tot merer vestenisse van dessen soe ick Tyddo Popynck gheen Seghel gebrueke
hebbe ick gebeden mynen swaegher Menno Houwerda dat hie dyt over my hefft wyllen besegelen dat ick Menno Houwerda om
bede wyllen myns swaegers unde oeck sulvest unde weghen myner huysfrouwen hebbe gedaen Int yaer unses heren dusent vyff
hundert eene unde vyfftich up avendt elven dusent mageden.
DORSO : de permutatione agrorum cum Tuddo Popynck. N.

x

x

Archief	Groninger Archieven
Fonds	Klooster Ter Apel
Toegangsnummer	1373
Inventarisnr.	38
Regestnr.	246
Register Feith	1551.003
Jaar	1551
Datumcode	vXImVir

x

x

x

x

Commentaar	Met het zegel van Menno Houwerda in groene was

x

Commentaar	N.B. Vermeld Feith Reg. 1551 no. 3