| Nummer:ogd0428 | Datum:25 jan. 1354 | Overlevering:Editie | Vindplaats:Oorkondenboek Groningen en Drenthe, nr. 428 |
Johan van den Cloester verklaart als leenheer de afstand van een hoeve te Itterbeke aan het klooster Assen door zijn leenman Herman van Goedelinchem goed te keuren en andere goederen daarvoor in de plaats te hebben ontvangen.
Ich, Johan van den Cloester, doe kunt ende kenlych allen luden, dat ich um beeden willen Hermans van Goedelinchem heb upghelaten
ende verteghen van alle den eyghendoem, die ich had an den huyse tot Schuringhe met al sijnre slachter nut, also alse dat
gheleghen is tot Ytterbeech in den kerspel van Ulsen, dat Herman van Goedelinchem voers. van mi helt in manstat, den convent van Assen te besitten ende te bruyken erfeliken ende ummermeer voer hoer vrye eyghen erve ende um eyn aenwissel, alse dat goet tot Gherlinch, tot Hanekinchem met alle sijnre slachter nut, also alse dat gheleghen is in der buerschap tot Hanekinchem ende in den kerspel van Ulsen voerg., dat mi Herman van Goedekinchem voers. weder ghegheven hevet voer dat huys Schurinch voerg. tot eynen rechten aenwissel, daer ich en in bekent heb ende van mi holdet in manstat, dat ich voert holde van Steeven van den Rutenberghen, ende hope, dat ich dat met rechte doen mach, want ich mijn goet, dat ich van enen heren holde, wael beeteren mach ende nyet verergheren, ende wil des ten rechte gaen. In orcunde ende rechte tughe desser dinch so heb ich Johanne voersz. van den Cloester minen seghel an dessen brieve ghehanghen. Ghegheven in den jaer unses Heren dusent dryehondert vyer ende vyeftech up sente Paulus dach Conversio .
ende verteghen van alle den eyghendoem, die ich had an den huyse tot Schuringhe met al sijnre slachter nut, also alse dat
gheleghen is tot Ytterbeech in den kerspel van Ulsen, dat Herman van Goedelinchem voers. van mi helt in manstat, den convent van Assen te besitten ende te bruyken erfeliken ende ummermeer voer hoer vrye eyghen erve ende um eyn aenwissel, alse dat goet tot Gherlinch, tot Hanekinchem met alle sijnre slachter nut, also alse dat gheleghen is in der buerschap tot Hanekinchem ende in den kerspel van Ulsen voerg., dat mi Herman van Goedekinchem voers. weder ghegheven hevet voer dat huys Schurinch voerg. tot eynen rechten aenwissel, daer ich en in bekent heb ende van mi holdet in manstat, dat ich voert holde van Steeven van den Rutenberghen, ende hope, dat ich dat met rechte doen mach, want ich mijn goet, dat ich van enen heren holde, wael beeteren mach ende nyet verergheren, ende wil des ten rechte gaen. In orcunde ende rechte tughe desser dinch so heb ich Johanne voersz. van den Cloester minen seghel an dessen brieve ghehanghen. Ghegheven in den jaer unses Heren dusent dryehondert vyer ende vyeftech up sente Paulus dach Conversio .
x
| Fonds | Oorkondenboek Groningen en Drenthe |
|---|---|
| Nr | 428 |
| Olim | Naar het origineel in het rijksarchief van Overijsel (Tijdr. Reg. I, blz. 68, 1354, no. 1), hoog 10,5, breed 26 cm. |
| Jaar | 1354 |
| Datumcode | ConPau |
x
| Commentaar | Aan het stuk hangt een geschonden zegel in bruine was, vertoonende een driehoekig schild beladen met negentien penningen, geplaatst 4, 5, 4, 3, 2, 1, en een schildzoom; randschrift : S . G . LLUM JOHANIS DE . . . E. |
|---|