| Nummer:ogd0673 | Datum:19 aug. 1379 | Overlevering:Editie | Vindplaats:Oorkondenboek Groningen en Drenthe, nr. 673 |
De rechters van Hunsingo en burgemeesters en raad van Groningen vellen vonnis in een geschil over het recht van erfopvolging in enig land te den Andel en Westernieland.
Wi, ghemene rechters van Hunzeghelande , borghermeestere ende raed van Groninghen, doen cundich allen luden met
desen openen brieve, dat van der scelinghe, de was tusken Ondolve Herathama ende Popeken ter Borch an de ene
side ende Remmeken Reyndesma an de ander zide, alse van Elekenheert Ammoma in Andel ende van Wycboldesmaheert in den Nyenlande met al horen
tobehoren, so hebben wi ghehoert ende verstaen hore beyder tughe, beyde in brieven bezeghelt, ende oec van levendighen tughen, de voer ons
ghebracht worden, ende hebben dat in der waerheyt ghevonden ende verstaen, dat Hylleke, Remmeken wiif Reyndesma voers., naest liif ende recht
erfghenaem is to allen den goede, dat Bawe, Abelken dochter Sybakama, der God ghenadich si, achterghelaten hevet. Hierom so hebben wi met rechte
na Hunzeghen lantrechte Remmeken ende Hylleken sinen wive voers. toghevonden Elekeheert Ammoma ende Wycboldesmaheert voers. met al horen
tobehoren vri ende quite van rechter erfnisse to bruken ende to besittene. In orcunde so hebben wi, rechters van Hunzeghelande, onses landes
zeghel, borghermeestere ende raet van Groninghen onser stad zeghele an desen brief ghehanghen. Ghegheven int jaer ons Heren dusent drehondert
neghen ende zoventich op sinte Laurencius dach .
desen openen brieve, dat van der scelinghe, de was tusken Ondolve Herathama ende Popeken ter Borch an de ene
side ende Remmeken Reyndesma an de ander zide, alse van Elekenheert Ammoma in Andel ende van Wycboldesmaheert in den Nyenlande met al horen
tobehoren, so hebben wi ghehoert ende verstaen hore beyder tughe, beyde in brieven bezeghelt, ende oec van levendighen tughen, de voer ons
ghebracht worden, ende hebben dat in der waerheyt ghevonden ende verstaen, dat Hylleke, Remmeken wiif Reyndesma voers., naest liif ende recht
erfghenaem is to allen den goede, dat Bawe, Abelken dochter Sybakama, der God ghenadich si, achterghelaten hevet. Hierom so hebben wi met rechte
na Hunzeghen lantrechte Remmeken ende Hylleken sinen wive voers. toghevonden Elekeheert Ammoma ende Wycboldesmaheert voers. met al horen
tobehoren vri ende quite van rechter erfnisse to bruken ende to besittene. In orcunde so hebben wi, rechters van Hunzeghelande, onses landes
zeghel, borghermeestere ende raet van Groninghen onser stad zeghele an desen brief ghehanghen. Ghegheven int jaer ons Heren dusent drehondert
neghen ende zoventich op sinte Laurencius dach .
x
| Fonds | Oorkondenboek Groningen en Drenthe |
|---|---|
| Nr | 673 |
| Olim | Naar het origineel in het rijksarchief te Groningen (Reg. 1379, no. 1), hoog 9, breed 24,5 cm. Ook gedrukt bij Driessen, blz. 350; en van Idsinga, Staatsrecht, blz. 443. |
| Jaar | 1379 |
| Datumcode | Lauren |
x
| Commentaar | Aan het stuk hangt het enigszins geschonden zegel van Hunsingoo en een gedeelte van het zegel der stad Groningen met contrazegel. |
|---|