| Nummer:ogd0706 | Datum:11 juni 1382 | Overlevering:Editie | Vindplaats:Oorkondenboek Groningen en Drenthe, nr. 706 |
Burgemeesters en raad van Groningen verklaren, dat Boyke en Gherborch bij stoklegging voor de Buren te Annen aan het Heilige Geestgasthuis te Groningen het grootste deel van hun erve en goed hebben overgedragen.
Wi, borghermeestere ende raed van Groninghen, do cundich allen luden met desen openen brieve, dat voer ons
quamen Boyke, Gherburghe man, ende Gherborch, siin echte wiif, ende ghaven ende droghen op al hoer erve
ende al hoer goet, waer dat gheleghen was
of waeran dat gheleghen was, haren Johanne Evardes sone, provisor van den Hylighen Gheeste, met ons tot des
ghemenen conventes behoef van den Hylighen Gheeste voers. met allen rechte ende met allen eyghendome eweliken to bruken ende to besittene.
Voert so becanden Boyke ende Gherborch voers., dat si haren Johanne voers. to des voers. conventes behoef den stoc gheleghet hebben tot
Annen in den dorpe, daer de bure van Annen over waren, van desen voers. erve ende goede, als in den lande van Drenthe een lantrecht
wiset. Hier is toghesproken, dat Boyke ende Gerborch voers. sellen beholden hoer halve schute, ende si moghen laten graven buten des
conventes cost voers. dre schuten torves elkes jaers op den vier roden, de ghedeelt siin van den viiftien roden, daer si den convente den
stoc of gheleghet hebben, ende daerto sellen Boyke ende Gherborch beholden hoer inghedoem. Dat orcunden wi met onser stad zeghel.
Ghegheven int jaer ons Heren dusent drehondert thue ende tachtich des Woensdaghes na des hylighen Sacramentes dach, do Herman Catere,
Lubbert Sickinc, Gheert Lewe, Otte Polleman, Wycbolt Maurissinghe ende Wycbolt Evardes soen borghermeestere waren onser stad .
quamen Boyke, Gherburghe man, ende Gherborch, siin echte wiif, ende ghaven ende droghen op al hoer erve
ende al hoer goet, waer dat gheleghen was
of waeran dat gheleghen was, haren Johanne Evardes sone, provisor van den Hylighen Gheeste, met ons tot des
ghemenen conventes behoef van den Hylighen Gheeste voers. met allen rechte ende met allen eyghendome eweliken to bruken ende to besittene.
Voert so becanden Boyke ende Gherborch voers., dat si haren Johanne voers. to des voers. conventes behoef den stoc gheleghet hebben tot
Annen in den dorpe, daer de bure van Annen over waren, van desen voers. erve ende goede, als in den lande van Drenthe een lantrecht
wiset. Hier is toghesproken, dat Boyke ende Gerborch voers. sellen beholden hoer halve schute, ende si moghen laten graven buten des
conventes cost voers. dre schuten torves elkes jaers op den vier roden, de ghedeelt siin van den viiftien roden, daer si den convente den
stoc of gheleghet hebben, ende daerto sellen Boyke ende Gherborch beholden hoer inghedoem. Dat orcunden wi met onser stad zeghel.
Ghegheven int jaer ons Heren dusent drehondert thue ende tachtich des Woensdaghes na des hylighen Sacramentes dach, do Herman Catere,
Lubbert Sickinc, Gheert Lewe, Otte Polleman, Wycbolt Maurissinghe ende Wycbolt Evardes soen borghermeestere waren onser stad .
x
| Fonds | Oorkondenboek Groningen en Drenthe |
|---|---|
| Nr | 706 |
| Olim | Naar het origineel in het rijksarchief te Groningen (Reg. 1382, no. 1), hoog 10, breed 24,5 cm. Ook gedrukt bij Driessen, blz. 714. |
| Jaar | 1382 |
| Datumcode | EpSacram |
x
| Commentaar | Aan het stuk hangt het zegel van de stad Groningen met contrazegel, in groene was. |
|---|