| Nummer:ogd0873 | Datum:11 maart 1395 | Overlevering:Editie | Vindplaats:Oorkondenboek Groningen en Drenthe, nr. 873 |
Johan Vos van Steenwijk verklaart in eeuwige huur te hebben afgestaan een hofstede te Steenwijk ten behoeve van een altaar in de kerk aldaar.
Allen luden, de dessen brieff syen oft hoeren lesen, doe ick, Johan Voss van Steenwic, kundich ende openbair, dat ick verhuert hebbe voir alle
myne rechte erfgenamen ewelick ende ummermeer deen jonghen here Johanne van Wapse ende allen zynen naekomelingen up onser lever Vrouwen altair,
dat mynen broder heer Egbert van Westerhesselen gestichtet hevet in der kercken tot Steenwick, ene hofstede, die gheleghen is bynnen Steenwick,
dair heer Johan voerseghet nu up wonet, dair by der oestersijt naist ghelegen is Herman ther Moeien ende by der westerzijdt mynes selves
hofstede, dair Hillebrant Blakeringe, Roleff uppen Kelre ende erfgenamen Nanneken Prickes nu up wonen. Ende voir ellick jair sal hy ende zyne
nakoemelinge my ende mynen erfgenamen gheven toe Alle Godes Hillighen achteen rechte vleemsche grote ofte payment, dat dair guet voir is in dier
tijt deer betalinge. Hyer over ende an weren, de desen vorwaerde makeden, heer Egbert van Heslen, mynen broder voerseghet, heer Coinraet van den
Ghore, cureyt tho Dalen, Arnt Hues, here van Rune, Johan Wilderive, in der tijt schulte te Steenwick, ende anders voele gueder lude. Ende want
ick, Johan Vos voers., wil, dat dit stedevast ende onghebroken blive, zoe heb ick mijn zegel voir my ende mynen erfgenamen an dessen brieff
ghehanghen. Gegeven int jair ons Heren dusent drehondert vijff ende tnegentich up suncte Gregoriusavent.
myne rechte erfgenamen ewelick ende ummermeer deen jonghen here Johanne van Wapse ende allen zynen naekomelingen up onser lever Vrouwen altair,
dat mynen broder heer Egbert van Westerhesselen gestichtet hevet in der kercken tot Steenwick, ene hofstede, die gheleghen is bynnen Steenwick,
dair heer Johan voerseghet nu up wonet, dair by der oestersijt naist ghelegen is Herman ther Moeien ende by der westerzijdt mynes selves
hofstede, dair Hillebrant Blakeringe, Roleff uppen Kelre ende erfgenamen Nanneken Prickes nu up wonen. Ende voir ellick jair sal hy ende zyne
nakoemelinge my ende mynen erfgenamen gheven toe Alle Godes Hillighen achteen rechte vleemsche grote ofte payment, dat dair guet voir is in dier
tijt deer betalinge. Hyer over ende an weren, de desen vorwaerde makeden, heer Egbert van Heslen, mynen broder voerseghet, heer Coinraet van den
Ghore, cureyt tho Dalen, Arnt Hues, here van Rune, Johan Wilderive, in der tijt schulte te Steenwick, ende anders voele gueder lude. Ende want
ick, Johan Vos voers., wil, dat dit stedevast ende onghebroken blive, zoe heb ick mijn zegel voir my ende mynen erfgenamen an dessen brieff
ghehanghen. Gegeven int jair ons Heren dusent drehondert vijff ende tnegentich up suncte Gregoriusavent.
x
| Fonds | Oorkondenboek Groningen en Drenthe |
|---|---|
| Nr | 873 |
| Olim | Naar het Registrum bonorum Steenwick, fol. 100vo. Ook gedrukt bij Magnin, de Vos van Steenwijk, no. 9. |
| Jaar | 1395 |
| Datumcode | vGregor |