| Nummer:ogd0934 | Datum:1 sept. 1396 | Overlevering:Editie | Vindplaats:Oorkondenboek Groningen en Drenthe, nr. 934 |
Deken en kapittel van de Dom te Utrecht geven onder zekere voorwaarden de helft van de Postinghetienden bij Helpman in erfpacht aan Wychmodis Robbijns.
Universis presencia visuris nos, decanus et capitulum ecclesie Trajectensis, facimus manifestum, quod nos salvo jure nostro et ecclesie nostre
predicte et cujuslibet alterius dimidietatem decimarum dictarum Postinghetyende grossam et minutam seu jus decimandi ejusdem cum omnibus suis
pertinenciis et attinenciis, sitam prope Helcman juxta Groeninghen, ad nos et ecclesiam nostram predictam jure dominii plene spectantem et
pertinentem, Wijchmodi Robbijns recepto prius ab eadem super fidelitate nobis et ecclesie nostre predicte prestanda pro eisdem solito juramento
concessimus et hiis presentibus concedimus in hereditarium et perpetuum pactum omni modo et forma prout eandem medietatem decimarum predictarum
quondam Wennekina Hughinc et Hilleka ejus filia a nobis et ecclesia nostra predicta, dum vixerunt, tenuerunt et possederunt et quarum decimarum
reliquam medietatem cum omnibus suis pertinenciis quondam Lubbertus Sickinc, opidanus in Groeninghen, dum vixit, a nobis et ecclesia nostra
sepedicta tenuit et possedit prout in literis super hoc confectis clarius continetur, singulis annis pro decem et octo denariis sterlingorum
bonorum antiquorum libere pecunie, quos decem et octo denarios sterlingorum predictorum predicta Wijchmodis necnon heredes et successores sui in
eadem medietate decimarum hujusmodi infrascripti singulis annis nobis aut nuncio nostro seu officiato, quem ad hoc pro tempore deputaverimus, in
oppido de Groeninghen predicto tradent, persolvent et deliberabunt ipso die Translacionis beati Martini sine diminucione seu defalcacione suis
propriis laboribus, sumptibus et expensis. Ipsa vero Wijchmode predicta defuncta, senior et proximior heres ipsius et de legitimo matrimonio
procreatus dictam medietatem decimarum hujusmodi et sic ultra de herede in heredem temporibus perpetuis pro dicto annuo pacto in termino
predicto nobis, prout prescriptum est, in opido de Groeninghen persolvendo a nobis et ecclesia nostra predicta tenebit et possidebit, ita quod
ipsa medietas dictarum decimarum apud unicum heredem semper maneat indivisa. Et idem heres infra annum, post obitum ipsius Wijchmodis predicte
immediate subsequentem, dictam medietatem hujusmodi decimarum predictarum a nobis requiret ac faciet super fidelitate nobis et ecclesie nostre
prestanda solitum juramentum, necnon novas literas, super hujusmodi condicionibus tenorem presencium literarum continentes, a nobis suis
sumptibus et expensis recipiet et nobis simili modo novas literas, sigillo officialis Trajectensis sigillatas, quibus litere nostre sibi
tradende inserte fuerint, restituat e converso. Que omnia et singula premissa dictus heres, si non fecerit, extunc cadet eo ipso ab omni jure,
sibi in dicto hereditario pacto medietatis decimarum predictarum quomodolibet competente, et dicta medietas decimarum hujusmodi cum omnibus
juribus et pertinenciis suis ad nos et ad ecclesiam nostram predictam libere revertetur de eisdem, prout nobis placuerit disponendo, sine
contradictione cujuscunque. In quorum testimonium sigillum capituli ecclesie nostre predicte presentibus est appensum. Datum anno Domini
millesimo trecentesimo nonagesimo sexto mensis Septembris die prima.
predicte et cujuslibet alterius dimidietatem decimarum dictarum Postinghetyende grossam et minutam seu jus decimandi ejusdem cum omnibus suis
pertinenciis et attinenciis, sitam prope Helcman juxta Groeninghen, ad nos et ecclesiam nostram predictam jure dominii plene spectantem et
pertinentem, Wijchmodi Robbijns recepto prius ab eadem super fidelitate nobis et ecclesie nostre predicte prestanda pro eisdem solito juramento
concessimus et hiis presentibus concedimus in hereditarium et perpetuum pactum omni modo et forma prout eandem medietatem decimarum predictarum
quondam Wennekina Hughinc et Hilleka ejus filia a nobis et ecclesia nostra predicta, dum vixerunt, tenuerunt et possederunt et quarum decimarum
reliquam medietatem cum omnibus suis pertinenciis quondam Lubbertus Sickinc, opidanus in Groeninghen, dum vixit, a nobis et ecclesia nostra
sepedicta tenuit et possedit prout in literis super hoc confectis clarius continetur, singulis annis pro decem et octo denariis sterlingorum
bonorum antiquorum libere pecunie, quos decem et octo denarios sterlingorum predictorum predicta Wijchmodis necnon heredes et successores sui in
eadem medietate decimarum hujusmodi infrascripti singulis annis nobis aut nuncio nostro seu officiato, quem ad hoc pro tempore deputaverimus, in
oppido de Groeninghen predicto tradent, persolvent et deliberabunt ipso die Translacionis beati Martini sine diminucione seu defalcacione suis
propriis laboribus, sumptibus et expensis. Ipsa vero Wijchmode predicta defuncta, senior et proximior heres ipsius et de legitimo matrimonio
procreatus dictam medietatem decimarum hujusmodi et sic ultra de herede in heredem temporibus perpetuis pro dicto annuo pacto in termino
predicto nobis, prout prescriptum est, in opido de Groeninghen persolvendo a nobis et ecclesia nostra predicta tenebit et possidebit, ita quod
ipsa medietas dictarum decimarum apud unicum heredem semper maneat indivisa. Et idem heres infra annum, post obitum ipsius Wijchmodis predicte
immediate subsequentem, dictam medietatem hujusmodi decimarum predictarum a nobis requiret ac faciet super fidelitate nobis et ecclesie nostre
prestanda solitum juramentum, necnon novas literas, super hujusmodi condicionibus tenorem presencium literarum continentes, a nobis suis
sumptibus et expensis recipiet et nobis simili modo novas literas, sigillo officialis Trajectensis sigillatas, quibus litere nostre sibi
tradende inserte fuerint, restituat e converso. Que omnia et singula premissa dictus heres, si non fecerit, extunc cadet eo ipso ab omni jure,
sibi in dicto hereditario pacto medietatis decimarum predictarum quomodolibet competente, et dicta medietas decimarum hujusmodi cum omnibus
juribus et pertinenciis suis ad nos et ad ecclesiam nostram predictam libere revertetur de eisdem, prout nobis placuerit disponendo, sine
contradictione cujuscunque. In quorum testimonium sigillum capituli ecclesie nostre predicte presentibus est appensum. Datum anno Domini
millesimo trecentesimo nonagesimo sexto mensis Septembris die prima.
x
| Fonds | Oorkondenboek Groningen en Drenthe |
|---|---|
| Nr | 934 |
| Olim | Naar het officieele afschrift, voorkomende in no. 935. |
| Jaar | 1396 |
| Datumcode | 0109 |