Burgemeesters en raad van Groningen oorkonden, dat Johan de Potmaker in eeuwige pacht heeft verkregen een hofstede bij de Akerk van Reynolt Hughinc en anderen.

Wy, borghermestere ende raet van Groninghen, bekenne ende betughen met dezen openen breve, dat
Johan de Potmaker hevet ghehuerd vor hem ende vor sine erfnamen ene
hofstede mit al horen
tobehoren achter ende vore, daer ziin hues nu ter tiit up ghetimmerd staet, tot ewigher hure teghen Reynolt Hughinc ende Rolefs erfnamen Hughinc
sines broders, den God ghenedich zie, des jaers vor derdenhalven olden Francschen scilt of payment, dat gued daervor is in Groninghen, to
betalen elkes jaers als een stadrecht is. Desse vors. hofstede is gheleghen in de zuedzide van der Ae kerchof by Wacken kinder erve, dat an de
oesterzide leghet, ende Elvesche Beyen erfnamen jerve, dat an de westerzide leghet. Dat orkunde wy mit onser stad seghele. Ghegheven in den jaer
ons Heren dusent vyerhondert ende dre up sente Paulusdach conversio, do Wicbolt ter , Jarich Coppiins, Reynolt Hughinc ende Jacob Schelleghe
borghermestere waren onser stad .

x

x

Fonds	Oorkondenboek Groningen en Drenthe
Nr	1138
Olim	Naar het origineel in het rijksarchief te Groningen (Reg. 1403, no. 3), hoog 8,8, breed 23,8 cm.
Jaar	1403
Datumcode	ConPau

x

x

x

Commentaar	Aan het stuk hangt het gewone zegel van de stad Groningen met contrazegel.

x

Materiaal	papier

x

Edities	P.J. Blok e.a., Oorkondenboek van Groningen en Drente, II (Groningen 1899), nr. 1138.