| Nummer:oub0179 | Datum:14. Juli 1400 | Overlevering:Editie | Vindplaats:Ostfriesisches Urkundenbuch, I, S. 153, nr. 179 |
Der Rath von Groningen schreibt dem Rathe von Lübeck, dass er auf der in Hamburg zur Verhandlung mit Friesischen Häuptlingen anberaumten Tagfahrt nicht vertreten sein werde, und bittet die Häuptlinge Keno, Folkmar, Edo Wimken und Hisko zu beeinflussen, die unter sich geschlossene Sühne besser als bisher zu halten.
An eersamaghen (sic) wyzen ende bescheyden lueden, borghermesteren ende raed der stad van Lubic, onsen lieven ende wal gheminden vrenden detur.
Sunderlinghe lieve ende wal gheminde[*] vrende. Wy hebben iven breeff guedliken entfanghen up sente Margareten dach, sprekende onder anderen woerden, wo daer een dach gheramet is to holden to Hamborch des midweken vor sente Jacobs daghe naest komende, daer de stede een deel vergaderd sullen wezen, daer to vorbodet ziin de hovetlinghe uet Vreesland ende by sunderlinghe gheeschet zint Kene ende Elveard, [*] Folcmar Allen broderszone, to verantworden, wes de stede up hem to segghen hebbet, ende ghy van uns begheerd, eft ons beqweme ware, dat wy van den onsen up den vorscrevenen dach wilden senden. Waervan wy ju vrentliken weder scriven, dat ons de tiit to kord is, up den dach to komen, ende dat wy van anghestes weghen onser vyande noch to water noch to lande daer nyet komen moghen. Voerd, lieve vrende, als van der zoene tuschen den tween partyen, als Kenen ende Folcmar, an de ene ziit, ende bare vrende, ende Eden Wymmekens ende Hesseken[*] tot Emeden ende hore vrende, an de ander zide, daer van so donket ons, dat de zone also volkomeleken nyet gheholden word, als tot Emeden ghedeghedint waert, als ju wal kundich is. Daervan moghy met den steden, de by ja komen sullen, van spreken ende daerinne raden, dat ghy menen, dat vor ju ende vor den menen koepman is. God zie met ju. Ghescreven onder onser stad secreet, des anders daghes na sente Margareten, in den jaer van CCCC. Ende ghebeed tot ons, wes wy alles guedes vermoghen.
Borghermestere ende raet in Groninghen.
Sunderlinghe lieve ende wal gheminde[*] vrende. Wy hebben iven breeff guedliken entfanghen up sente Margareten dach, sprekende onder anderen woerden, wo daer een dach gheramet is to holden to Hamborch des midweken vor sente Jacobs daghe naest komende, daer de stede een deel vergaderd sullen wezen, daer to vorbodet ziin de hovetlinghe uet Vreesland ende by sunderlinghe gheeschet zint Kene ende Elveard, [*] Folcmar Allen broderszone, to verantworden, wes de stede up hem to segghen hebbet, ende ghy van uns begheerd, eft ons beqweme ware, dat wy van den onsen up den vorscrevenen dach wilden senden. Waervan wy ju vrentliken weder scriven, dat ons de tiit to kord is, up den dach to komen, ende dat wy van anghestes weghen onser vyande noch to water noch to lande daer nyet komen moghen. Voerd, lieve vrende, als van der zoene tuschen den tween partyen, als Kenen ende Folcmar, an de ene ziit, ende bare vrende, ende Eden Wymmekens ende Hesseken[*] tot Emeden ende hore vrende, an de ander zide, daer van so donket ons, dat de zone also volkomeleken nyet gheholden word, als tot Emeden ghedeghedint waert, als ju wal kundich is. Daervan moghy met den steden, de by ja komen sullen, van spreken ende daerinne raden, dat ghy menen, dat vor ju ende vor den menen koepman is. God zie met ju. Ghescreven onder onser stad secreet, des anders daghes na sente Margareten, in den jaer van CCCC. Ende ghebeed tot ons, wes wy alles guedes vermoghen.
Borghermestere ende raet in Groninghen.
