Die Geistlichen von Groothusen, Larrelt und Campen bekunden einen Güterkauf des Imelo von Grimersum bei Hamswehrum.

Wy her Poppo vicedecanus to Grotahusum, [*] her Boel kerkhere to Hlerlte unde her Clawes kerkher to Campen don wytlik ende kundich openbare allen gueden luden, de dussen yeghenwardighen openen breeff zeen ofte horen lesen, dat wy daran unde over wesen hebben, dat Ymelo hofftlyng to Grimessum unde Oesterhusum etc, hefft ghekoft van Boel Sybrantsna unde Galleke Hatadsna to Plegawert[*] myt vullen concente eere vrende unde Gallekens vorscreven vormunder, alle dat erve, recht unde herlicheyt van des vaders ziit, als dar tobehoert to Hissen Wyllatsna heert to Hamswerum.[*] Welke vorscreven erve, recht ende herlicheyt Ymelo vorscr. dussen vorbenomden Boel unde Galleke vorscr. wente se rechte erffghename zynt hefft vul unde all betalet to oren wyllen. Unde Ymelo vorscr. unde syne rechte erfghename zullen wesen rechte besitters unde erfghename dusser vorscr. erve, recht unde herlicheyt unbekummert van en yewelken to ewyghen daghen zunder yenygherhande wedersprake dussen vorscreven Boel unde Gallekens erfghename unde nakamelynghe unde sunder alle argheliist unde nievunde. In orkunt dusser warheyt unde merer bevestnysse unde bekentnysse zo hebben wy her Poppo, her Boel unde her Clawes vorscr. unse zeghele an dussen breff ghehanghen. Int jaer unses Heren dusent verhundert unde dertich, up sunte Andreas dach des hilghen apostels.

x

x

Fonds	Ostfriesisches Urkundenbuch, I
Fol.nr.	S. 363
Nr	392
Olim	Nach dem Orig. im Besitze der Gesellschaft für bild. Kunst etc. zu Emden.
Jaar	1430
Datumcode	Andree

x

x

Commentaar	Von den 3 Siegeln ist das erste erhalten: in gothischer Nische die Gestalt eines schreitenden Geistlichen mit Heiligenschein, der (vielleicht) in der Rechten einen Schlüssel trägt (= S. Petrus), darunter in einem kleinen Wappenschild ein Pelikan, der seine Jungen tränkt. Umschrift: S. domini Pop

x

Materiaal	papier

x

Edities	E. Friedländer, Ostfriesisches Urkundenbuch I (Emden 1878), nr. 392