| Nummer:oub0661 | Datum:14. Juni 1453 | Overlevering:Editie | Vindplaats:Ostfriesisches Urkundenbuch, I, S. 577, nr. 661 |
Die Pfarrer von Marienhave und Wirdum bekunden, dass die Söhne des Deddo Reyntsna zu Grimersum ihr halbes Haus, die Hausstätte und Zubehör an den Häuptling Aild Beninga daselbst für 100 leichte und einen Rhein. Gulden verkauft haben.
Wi here Sibo, kerchere to Marienhove, dochter[*] in den gheysteliken rechte, ende here Gherald, kerchere to Wirdum, bekennen vor alsweme, dat Poppoleye (!) ende Thido myt hor husfrouwen consent, hebben vorkoft hoer vaders Deddo Reyntsna tho Grymessum zyn halve hus ende hustede myt der tobehorynghe, Ayld Benyngha, tho Grimessum hofftlinge, vor vyf stighe lychtere gulden unde 1 Rynsche gulden, de uns Poppo ende Thydo wol betalit is de erste pennyg myt de lesten, darumme schelde wi vorscreven Poppo ende Thido ende unse erffnamen Aylde vorscreven ende zyn erven vry unde qwit. Hir hebben an ende over wesen Yppo Onnana, Heva Krulla, Wyltet Haiana ende anders vele guder lude. (In) eyn orkunde ende tuchnysse so hebben wi her Sibo ende her Gherald vorscr. unse inghesegele ghedrucket upt spacium dusses breves. Ghescreven int jar na unses Heren bort duzent veerhundert dre unde vyfftych, up sunte Vitus avant.
