| Nummer:oub0758 | Datum:21. März 1460 | Overlevering:Editie | Vindplaats:Ostfriesisches Urkundenbuch, I, S. 654, nr. 758 |
Ocko Hayena zu Larrelt tauscht mit dem Kloster Langen Grundstücke aus. Er giebt 11½ Grase im Logumer und Ulgerwehrster Hammrich und erhält dafür 12 Grase im Larrelter Wester-Hammrich.
Wytlick sy woe dat ick Ocko Hayena inwoner to Hlerlt[*] bekenne dat ick habe overghedragen unde overdreghe yeghenwordich ... .[*] deme convente to Langhen twelftehalff graze landes: de sess graze liggende up dat zude van deme convente vorscr., een land gheheten Fraemfen, veer graze in Loghener hammerika gheheten Tyadekeloend, unde een deymt in Ulgherwester hammerika up de Leedwal; welk land de erzame provest her Nicolaus unde dat mene convent vorscr. ghewesselt heft rechtverdiges vryes stede wessele, my daervoer weder ghegeven twelfte graze landes ghelegen in Hlerlter westerhammerika, de seven grase by de oestersyde Hylbertyll vast an den wech, unde de vyff graze by de hoernewey liggende an eneme lande gheheten Fyalczen...Des to tughe so hebben daer yeghenwordich mede by an unde over ghewesen Tyado Syptetsna, Lyud syn broder unde Sicko inwoners to Hlerlt unde andere vele guder lude. In orkunde der waerheit so hebbe ick Ocko vorbenomed vrentliken ghebeden den ersamen mannen heren Izebrant, mynen kerckhere to Hlerlte, unde heren Ubbo, kerckhere to Gherdesweer, umme ere inghesegele, de ze wytliken unde myt guden willen hebben hanghen heten to dessen breve. Na der bord Christi dusent verhundert in deme sestichten yare, ipso die Benedicti abbatis et confessoris.
