| Nummer:oub1403 | Datum:26. Juli 1494 | Overlevering:Editie | Vindplaats:Ostfriesisches Urkundenbuch, II, S. 420, nr. 1403 |
Häuptling Edo Wiemken bejaht die Frage Graf Edzards, ob er in der Fehde gegen den Bischof von Münster auf dessen Seite stehen würde.
Demme edellenn unnde wollgebornne heren Edtszarde, inne Oestfrieslanndt greven, myneme gueden frunde.
Eddelle unnde wollgebornne guede frundt. Inholt juwes brieffs nuw ame schirsten[*] an my gedaen ende wetent begerende, offte ich szodanne viede myt myme gnedigenn heren van
Munster tegenn juw, juwe lande unnde lude annemen unnde vyandtlykenn dhoen wille edder nicht etc. myt mererenn, heb ick tho gueder mate vorstandenn; juw derhalven vorwitlickende, so my unnde den mynen tho velen tyden mannichfoldich overfall, bedranck unnde gewalt myt wrewell, wedder reden unnde recht szunder jenygerleye vorwarckinge van juw unnde den juwen iss bejegendt unnde thogelecht, vormarcke noch nicht uth dusszenn gedanen juwen scrifftenn my jenich wandell unnde lyck moge wedderfaren unnde bedyen, wairmede ich denne de langen tyt beth heretho hebbe geleden, unnde woll furder weerde vorduldende, beth szo lange de almechtige Godt thovorenn sick willt vorweerdigen myt thodaet myner heren unnde frunde, enszodans tho wandelende. Screven ame dage Anne, matris Marie, anno etc. XCIIIIo.
Edo Wymekenn, tho Jhever etc. hovetlingk.
Eddelle unnde wollgebornne guede frundt. Inholt juwes brieffs nuw ame schirsten[*] an my gedaen ende wetent begerende, offte ich szodanne viede myt myme gnedigenn heren van
Munster tegenn juw, juwe lande unnde lude annemen unnde vyandtlykenn dhoen wille edder nicht etc. myt mererenn, heb ick tho gueder mate vorstandenn; juw derhalven vorwitlickende, so my unnde den mynen tho velen tyden mannichfoldich overfall, bedranck unnde gewalt myt wrewell, wedder reden unnde recht szunder jenygerleye vorwarckinge van juw unnde den juwen iss bejegendt unnde thogelecht, vormarcke noch nicht uth dusszenn gedanen juwen scrifftenn my jenich wandell unnde lyck moge wedderfaren unnde bedyen, wairmede ich denne de langen tyt beth heretho hebbe geleden, unnde woll furder weerde vorduldende, beth szo lange de almechtige Godt thovorenn sick willt vorweerdigen myt thodaet myner heren unnde frunde, enszodans tho wandelende. Screven ame dage Anne, matris Marie, anno etc. XCIIIIo.
Edo Wymekenn, tho Jhever etc. hovetlingk.
