| Nummer:oub1717 | Datum:1399 | Overlevering:Editie | Vindplaats:Ostfriesisches Urkundenbuch, II, S. 672, nr. 1717 |
Herzog Albert von Holland an Lübeck: antwortet, dass auch ihm und den Seinigen grosser Schaden von den Vitalienbrüdern zugefügt sei, wenn auch Witzel tom Brok ihm sein Land aufgetragen habe.Übrigens habe Witzel ihm gegenüber mündlich und schriftlich erklärt, dass er in allen zwischen ihm vnd den Hansestädten bestehenden Streitigkeiten sich seiner Entscheidung unterwerfen wolle, wenn die Hansestädte dies ebenfalls thun würden, und dass er dann der Vitalienbrüder sich entledigen wolle.
Consilio Lubicensi.
Hertoge Aelbrecht van Beyeren, grave van Henegaw ende van Holland. Lyeve ende geminde vriende. Wy hebben uwe brieve ons laetste gesent ontfaen und wol vorstan, inhoudende von Widzolde von dem Broke, dy onse man geworden is, und uns syn land upgedragen hefft, und juwen burgeren groten scaden gedan hefft, begerende van ons, dat wy darvor wezen wilden, dat dy vitalienbroders niet wedder ut en qwemen, und u uwen scade wedder gerichtet worde, mit meer woerden, als u brieff inhout. Waeroff, lieven vriende wy u weten laten, dat ons ende onsen luden groten scaden sec van den selven vitalienbroders geschien is, al ist nochtaus wail waer, dat Widzold vorben. ons siin lande upgedragen heeft, unde onse man daraff geworden is. Ende tot sulken schade, als u gedaen is, dar is uns van goeder horten leet tue, ende konde wy daer yet goets in doen, dar een wilden wii ghenen arbeit in doen sparen. Mar, lieve vriende, want Widzolt vorbenant voer tiit voer ons gewest ist, ende van dier tiit oec mit sinen brieven geschreven heeft, dat hy alle saken, dy tusschen u ende den gemenen steden van der Duytscher hanze ende him gaende siin, bliven wil aen ons, in dien dat ghii und dy andere steden desgeliix oec an ons bliven wilt, und zo woude hy wail die vitalienbroders quiit wezen. Ende hirup, lieven vriende, so wilt u mitten anderen steden voers. beraden ende bespreken, ende ons uwe bescreven antwerde hieroff wedder laten weten, als ghi feerst moecht. Screven etc.
Hertoge Aelbrecht van Beyeren, grave van Henegaw ende van Holland. Lyeve ende geminde vriende. Wy hebben uwe brieve ons laetste gesent ontfaen und wol vorstan, inhoudende von Widzolde von dem Broke, dy onse man geworden is, und uns syn land upgedragen hefft, und juwen burgeren groten scaden gedan hefft, begerende van ons, dat wy darvor wezen wilden, dat dy vitalienbroders niet wedder ut en qwemen, und u uwen scade wedder gerichtet worde, mit meer woerden, als u brieff inhout. Waeroff, lieven vriende wy u weten laten, dat ons ende onsen luden groten scaden sec van den selven vitalienbroders geschien is, al ist nochtaus wail waer, dat Widzold vorben. ons siin lande upgedragen heeft, unde onse man daraff geworden is. Ende tot sulken schade, als u gedaen is, dar is uns van goeder horten leet tue, ende konde wy daer yet goets in doen, dar een wilden wii ghenen arbeit in doen sparen. Mar, lieve vriende, want Widzolt vorbenant voer tiit voer ons gewest ist, ende van dier tiit oec mit sinen brieven geschreven heeft, dat hy alle saken, dy tusschen u ende den gemenen steden van der Duytscher hanze ende him gaende siin, bliven wil aen ons, in dien dat ghii und dy andere steden desgeliix oec an ons bliven wilt, und zo woude hy wail die vitalienbroders quiit wezen. Ende hirup, lieven vriende, so wilt u mitten anderen steden voers. beraden ende bespreken, ende ons uwe bescreven antwerde hieroff wedder laten weten, als ghi feerst moecht. Screven etc.
