Burgemeesteren en Raad in Groningen oorkonden, dat Johan Jarges ten Delffzijlen voor hen verklaarde verkocht en overgedragen te hebben aan Henric Haze een jaarlijksche rente van 4 1/2 postulatus gulden, te beuren op Pinxteren uit zijn huis, hofstede, land en toebehooren, gelegen te Delffzijlen, en bij hem zelf in gebruik; met bepaling omtrent wederinkoop dezer rente.

Wy borgermestere ende Raed in Groningen betugen myt dessen openen breve dat voer ons is gekomen Johan Jarges
ten Delffzylen ende bekande voer em ende sine erffgenamen dat hie hevet verkofft upgedragen ende overgegeven
Henric Hazen ende sinen erffgenamen vijfftehalff postulates gulden Erffliker renten offte payment dat daer guet
voer is jaerlix to pinxteren to betalen To boren ende to manen uut sinen huuse mytter hofsteden mytten lande
ende alle sinen to behoren als Johan vorscr. ten Delffzijlen liggende hefft ende selven bewoent ende
brukende is vry ende quyt voer ene summe geldes die Johan vorscr. bekande dat em vull ende all is
betaelt desse vorscr. rente in to manen myt wat rechte Henric vorscr. offte sine erffgenamen des best genoget
Hiir is togesproken dat Johan vorscr. offte sine erffgenamen desse vorscr. rente mogen weder aff vry ende
quyt kopen tot allen tyden wanneer em des genoget alzet belopet myt hundert gulden ses gulden renten aff to
kopen vorscr. payments sunder argelist Dat Orkonde wy myt onser stad zegell Ghegeven inden jaer
ons heren dusent vierhundert sessendetsoventich des maendages na sunte Jacops dach apostoli doe Gosen
van Duik, Johan Rengers Scaffers, Johan Tedema ende Johan Koenrades borgermestere waeren onser stad.

x

x

Archief	Groninger Archieven
Fonds	Arch. Parochiekerken
Toegangsnummer	1539
Inventarisnr.	0442
Regestnr.	283
Register Feith	1475.011.2
Jaar	1476
Datumcode	LpJacobi

x

x

x

x

Materiaal	perkament