| Nummer:par381 | Datum:1 juni 1489 | Overlevering:Origineel | Vindplaats:Arch. Parochiekerken, inv.nr. 0521, reg. 381 |
Burgemeesters en raad in Groningen verklaren dat Styne Allema heeft overdragen aan de priesters van het Sint-Johannesaltaar in de Martinikerk te Groningen de renten waarvan de transfixen spreken, alsmede een rente van 13 olde vleemsschen uit een huis aan de noordzijde van de Grote Markt in Groningen, in ruil waarvoor de priesters memories zullen houden voor een aantal nader genoemde personen.
Wy Borgermesteren ende Raadt in Groningen betugen mit dessen openen brev dat voir ons is gekomen Stijne
Allema enne bekande voir oir ende oren erffgenamen. dat sij belyevet ende toegestaan heft, believet ende toestaat in
cracht ende macht des braves den preester die sunte Johannes altaer bewaert tot sunte Maarten in Gronijngen
de Renten dair desse breven van spreken daar desse breve doer getogen is, die to bruken ende to besitten in
allen formen ende manieren als die selve breven daer aff inholden, ende uutwijsen Bet derteyn olde vleemsschen
uut Elseken Bernerdus huus dat nu ter tyt Roloff Phillips toehoirt, als wy in enen besegelden breeff geseen hebben.
dair ander Renten meer up stonden. Dit voirs. huus is gelegen ande noorder Ryp van de Merckede ant oeste van
Hinrick blynde pagens huus dat nu ter Roeloff Phillpps toe behoert. Ende die preester voirgen. sall alle jair
des sondages to mydvasten Oeme Allema ende Syabbe Allema jaertyt begaen ende Roemde Syckynge ende
Hilltbrant ten Berge jaertijt inder weke der apostelen scheydinge Ende die preester voirgenoemd sall die kercheren
die de jaertyden boeit geven niet meer dan sestenhalven kromstert voir elk jaertijt ende geen koerpennyngen ende
tot elken jaertyt twe vygelilychten Ende ellick preester in sunte Mertens kerck ende in sunte Wollborgen kercke
eens des jaers ellick een stuver. Dair soellen sy ellick een syelmisse voir lesen als se onverbonden sint mysse toe
doene Ende als Styne doot is, soe salmen oer jaertyt begaen alsmen Syabben jaertijt plach to holden Ende dan
Syabben jaertijt niet langer Ende de preester voirgen. salig beholden dat daer over blyft voir syn arbeijt ende
bydden voir die sielen salicheyt vors. Dit vors. sall geschien alle jaer tot ewygen dagen Ende men sall altijt die
naaste van Styne Allema bloede die offerlychten brengen dat se de offeren ende toe grave gaen mit voirwerden
dattet sake were dat se dat niet en holden als vors. is soe sullen ende moegen Stynen naesten vrunden ende
erffgenaemen indertijt die Renten voirgen. weder antasten ende gevent den armen huussitten in onser Stad sonder
argelyst. Dat Oirkonden wij mit onser Stad Segell. Gegeven inden iaer ons heren dusent vierhondert
negenendetachtentich des sondages nae ons heren hemelverts dach doe Sweder Cater, Coppyn Jerges. Roeloff
Mepsche ende Herman Lewe Borgemesteren weeren onsser Stadt.
Allema enne bekande voir oir ende oren erffgenamen. dat sij belyevet ende toegestaan heft, believet ende toestaat in
cracht ende macht des braves den preester die sunte Johannes altaer bewaert tot sunte Maarten in Gronijngen
de Renten dair desse breven van spreken daar desse breve doer getogen is, die to bruken ende to besitten in
allen formen ende manieren als die selve breven daer aff inholden, ende uutwijsen Bet derteyn olde vleemsschen
uut Elseken Bernerdus huus dat nu ter tyt Roloff Phillips toehoirt, als wy in enen besegelden breeff geseen hebben.
dair ander Renten meer up stonden. Dit voirs. huus is gelegen ande noorder Ryp van de Merckede ant oeste van
Hinrick blynde pagens huus dat nu ter Roeloff Phillpps toe behoert. Ende die preester voirgen. sall alle jair
des sondages to mydvasten Oeme Allema ende Syabbe Allema jaertyt begaen ende Roemde Syckynge ende
Hilltbrant ten Berge jaertijt inder weke der apostelen scheydinge Ende die preester voirgenoemd sall die kercheren
die de jaertyden boeit geven niet meer dan sestenhalven kromstert voir elk jaertijt ende geen koerpennyngen ende
tot elken jaertyt twe vygelilychten Ende ellick preester in sunte Mertens kerck ende in sunte Wollborgen kercke
eens des jaers ellick een stuver. Dair soellen sy ellick een syelmisse voir lesen als se onverbonden sint mysse toe
doene Ende als Styne doot is, soe salmen oer jaertyt begaen alsmen Syabben jaertijt plach to holden Ende dan
Syabben jaertijt niet langer Ende de preester voirgen. salig beholden dat daer over blyft voir syn arbeijt ende
bydden voir die sielen salicheyt vors. Dit vors. sall geschien alle jaer tot ewygen dagen Ende men sall altijt die
naaste van Styne Allema bloede die offerlychten brengen dat se de offeren ende toe grave gaen mit voirwerden
dattet sake were dat se dat niet en holden als vors. is soe sullen ende moegen Stynen naesten vrunden ende
erffgenaemen indertijt die Renten voirgen. weder antasten ende gevent den armen huussitten in onser Stad sonder
argelyst. Dat Oirkonden wij mit onser Stad Segell. Gegeven inden iaer ons heren dusent vierhondert
negenendetachtentich des sondages nae ons heren hemelverts dach doe Sweder Cater, Coppyn Jerges. Roeloff
Mepsche ende Herman Lewe Borgemesteren weeren onsser Stadt.
x
| Archief | Groninger Archieven |
|---|---|
| Fonds | Arch. Parochiekerken |
| Toegangsnummer | 1539 |
| Inventarisnr. | 0521 |
| Regestnr. | 381 |
| Register Feith | 1489.002.3 |
| Jaar | 1489 |
| Datumcode | DpAscDom |