| Nummer:par406 | Datum:20 juni 1493 | Overlevering:Origineel | Vindplaats:Arch. Parochiekerken, inv.nr. 0384, reg. 406 |
Burgemeesteren en Raad in Gronyngen oorkonden, dat Geert van Beijlen voor hen verklaarde verkocht en overgedragen te hebben aan Mr. Henrick van Middelstum 'medeschoelmeester to Sunte Meerten 'in Groningen een jaarlijksche rente van zes Arnhemsche gulden, te beuren uit zijn huis en hofstede met toebehooren in Heerstrate; met bepaling omtrent wederinkoop dezer rente.
Wy Borgermeistere ende Raedt in Gronyngen betugen mit dessen openen breve dat voer ons is gekomen Geert
van Beylen ende bekande voer em ende synen erffgenamen dat he hevet verkofft opgedragen ende overgegeven
Meister Henrick van Middelstum mede schoelmeister to sunte Meerten in onser Stadt ende synen erffgenamen ses
arnemsen gulden Erfflicker Renten teyn onser Stadt stuvers voer datum dessen breves gemuntet voer elken gulden
gerekent Offte payment dat daer guet voer is jaerlix toe boren alse een Stadt recht is To boren ende to manen uut
syn huus mitter hoffsteden achter ende voer mit allen synen toebehoren gelegen in Heer strate daer Hermen
tymmerman huus naest by licht op de suuder sydt ende Fye Huynge huus op de nordersydt vrij erfflicken daer uut
to waeren voer ene somme geldes de Geert vorscr. bekande dat em vul ende al is betaelt Hyr is to gesproken dat
Geert vorscr. offte syne erffgenamen desse ses gulden Renten vorscr. mogen weder aff vry ende quyt kopen tot
allen tyden wanneer em dat best belevet mit hondert arnemsen gulden vorscr. payments ende mitter vuller rente
sonder argelist Dat Oerkonde wy mit onser Stadt Segell Ghegeven inden jaer ons heren dusent vierhondert ende
dreendetnegentich des donredages na sunte Vyts dage do Sweder Kater, Roleff Mepsche, Eppe Allema ende Johan
Scaffer Borgermeistere waeren onser Stadt.
van Beylen ende bekande voer em ende synen erffgenamen dat he hevet verkofft opgedragen ende overgegeven
Meister Henrick van Middelstum mede schoelmeister to sunte Meerten in onser Stadt ende synen erffgenamen ses
arnemsen gulden Erfflicker Renten teyn onser Stadt stuvers voer datum dessen breves gemuntet voer elken gulden
gerekent Offte payment dat daer guet voer is jaerlix toe boren alse een Stadt recht is To boren ende to manen uut
syn huus mitter hoffsteden achter ende voer mit allen synen toebehoren gelegen in Heer strate daer Hermen
tymmerman huus naest by licht op de suuder sydt ende Fye Huynge huus op de nordersydt vrij erfflicken daer uut
to waeren voer ene somme geldes de Geert vorscr. bekande dat em vul ende al is betaelt Hyr is to gesproken dat
Geert vorscr. offte syne erffgenamen desse ses gulden Renten vorscr. mogen weder aff vry ende quyt kopen tot
allen tyden wanneer em dat best belevet mit hondert arnemsen gulden vorscr. payments ende mitter vuller rente
sonder argelist Dat Oerkonde wy mit onser Stadt Segell Ghegeven inden jaer ons heren dusent vierhondert ende
dreendetnegentich des donredages na sunte Vyts dage do Sweder Kater, Roleff Mepsche, Eppe Allema ende Johan
Scaffer Borgermeistere waeren onser Stadt.
x
| Archief | Groninger Archieven |
|---|---|
| Fonds | Arch. Parochiekerken |
| Toegangsnummer | 1539 |
| Inventarisnr. | 0384 |
| Regestnr. | 406 |
| Register Feith | 1493.016.1 |
| Jaar | 1493 |
| Datumcode | JpViti |