Burgemeesteren en Raad in Groningen oorkonden, dat Katherina Scomakers 'op de Nije stadt' voor hen verklaarde verkocht en overgedragen te hebben aan Roleff Wyssingc een jaarlijksche rente van drie Arnhemsche gulden, te beuren uit haar huis, kameren, hofstede en toebehooren 'op de Nije stadt; met bepaling omtrent wederinkoop dezer rente.

Wy Borgermeistere ende raet in Gronyngen betugen mit dessen openen breve dat voer ons is gekomen Katherina
scomakers op de nye Stadt ende bekande voer oer ende oeren erffgenamen dat se hevet verkofft opgedragen ende
overgegeven Roleff Wyssinge ende synen erffgenamen dre arnemsen gulden Erfflicker renten Tyen onser Stadt
stuvers voer datum desses breves gemuntet Offte payment dat daer guet voer voer is voer elken gulden
gerekent jaerlix to boeren alse Stadt recht is To boren ende to manen uut oeren huuse kameren ende hoeffstede
achter ende voor mit alle synen tobehoeren gelegen op de nye Stadt daer Bole steenmetseler naest by
licht op de oester sydt ende Johan Kremer op de wester zijdt vry ende quyt Erfflicken daer uut to waeren
voer ene somme geldes de Katherina vorscr. bekande dat oer vul ende al is betaelt Hyr is togesproken
dat Katherine vorscr. offte oere erffgenamen desse dre gulden rente vorscr. mogen weder aff vry ende quyt kopen
tot allen tyden wanneer em dat best belevet mit vyfftich arnemsen gulden vorscr. payments ende mit
ter vuller rente sonder argelist dat Oorkonde wy mit onser Stadt Segel Ghegeven inden jaer ons
heren dusent vierhondert ende dreendetnegentich des wondesdages na elven dusent magede dage
Do Henrick Reborch, Roleff Mepsche, Eppe Allema ende Johan Schaffer Borgermeistere waeren onser Stadt.
DORSO: Uut Otto Wevers huys up dye Nye Stadt dair dye putte voer der doer stet.

x

x

Archief	Groninger Archieven
Fonds	Arch. Parochiekerken
Toegangsnummer	1539
Inventarisnr.	0394
Regestnr.	407
Register Feith	1493.014.1
Jaar	1493
Datumcode	EpXImVir

x

x

x

x

Materiaal	perkament