Peter Onsta verklaart verkocht en overgedragen te hebben aan kerkheeren en priesters 'de gremis 'een jaarlijksche rente van twaalf Ar.gulden, te beuren op Mei en Santgange, telkens voor de helft uit zijn erf, gelegen te Wetsinge, en al zijn overige goederen met last hiermee eenige met name genoemde personen te begaan elk met een klein pond was, en het overblijvende tot Koorpenningen te verdeelen, met bepalingen omtrent wederinkoop dezer rente. Mr. Clawes van Overhagen, pastoor te Zawert voegt hieraan toe, dit stuk op verzoek van Peter Onsta mede bezegeld te hebben.

1523 up meij avent.
Ick Peter Onsta bekenne ende betughe mijt dessen openen besegelden breve voer mij ende mijnen arffgenamen dat
Ick nebbe verkoft upghedra hen ende overghegeven in cracht dessen breven draghe up ende gheve over den
kercheren ende presteren de gremio in der stad Groningen ende oeren nakomenlingen presteren twalff arens gulden
jaerlijker ende arff-lijke renthen tijn unser stad stuver voer datum des breves ghemuntet offte payment dat daer guet
voer is voer elken gulden gherekent jaerlix de hellfte to meij ende de ander hellfte to Santgange schadeloes ghelt to
betalen to boren ende to manen mijt wat rechte ghees tlick off warlick off botbreven waer den kercheren ende
presteren verscr. jaerlix des best belevet to manen ende to boren uut mijn arve landen ghelegen to Wetsinge daer nu
ter tijt Peter. Albersoen up woent Ende off de kercheren ende presteren verscr. dense ver verscr. renthen tot
eenighen tijden hijr neet uut bekomen en konden zoe love Ick Peter verscr. voer mij ende mijnen arffgenamen voert
over all mijne arven landen ende guederen woe offte waer de gheleghen zint gheen daer van uut ghenomen vrij daer
uut to waren daer oeck gheen prescriptie en sall van wesen ende off de kercheren ende presteren verscr. een jaer tijn
ofte twintich off meer up eene stede gheboert ofte ghemaent hadden sullen nochtans als hem belevet dessen renthen
verscr. up de ander stede boren manen moghen voer eyne summe gelldes de Ick Peter verscr. bekenne mij vull ende
all is betaelt Hijr iu to ghesproken dat Ick Peter verscr. ofte mijnen arffgenamen desse verscr. twallff arens gulden
renthen moghen weder aff vrij ende qwijt kopen to meij ofte to santgangen myt twe hundert arens gulden verscr.
paymentes ende mijtter vuller renthen sunder all arghelist etc. Van dessen verscr. renthen sullen de kercheren.
ende presteren verscr. jaerlix beghaen salighe Hinrick Rijnt ende
Hille zijn suster ellick mijt een cleyn punt wasses ende wat daer dan van over blijfft sufleb de presteren verscr.
under malkanderen voer koorpenningen deelen ende truwelijken voer de seele bidden in een oerkunde dessen
waerheit hebbe Ick Peter verscr. ghebedeh den Eerbaren mester Clawes van Overhagen pastoer to Zawert dessen
breeff over mij ende mijnen arffgenamen to besegelen ende Ick mester Clawes om bede willen Peters verscr. hebbe
mijn zegelt beneden an dessen breeff ghehanghen ende tot eene merer vestenisse nebbe Ick Peter verscr. mijn eghen
seghell beneden an dessen breff ghehanghen inden jaer uns heren dusent vijffhundert ende dreendetwintich up meij
avent.
DORSO: Abel Onsta XII ar. gulden Dessen breff kumpt Abell Onsta tbetalen,

x

x

Archief	Groninger Archieven
Fonds	Arch. Parochiekerken
Toegangsnummer	1539
Inventarisnr.	0445
Regestnr.	694
Register Feith	1523.002
Jaar	1523
Datumcode	vMei

x

x

x

x

Materiaal	perkament