Die Pfarrer von Wirdum und Grimersum bekunden, dass sie das Vermittleramt zwischen dem Propst Aild Beninga zu Hinte und dem Häuptling Aild Frerkzna daselbst in einem in Folge des Testamentes des Häuptlings Imelo von Osterhusen entstandenen Streite über Geld und Geschmeide übernommen haben.

Wij Gheraldus van Greedzijl, kerchere to Wyrdum, unde Membodus Reyneri, kerchere to Grimadzum, betughen jeghenwordich in kracht unde macht dusses apenen beseghelden breves vor alsweme, ze synt ghestelick edder werlick etc., wo wy synt ghesent van den erbaren Ayld Beningha, provest tho Hinte unde hovetling to Grimadzum, an den erbaren Ayld Frerckzna, hovetlinge, to Hinte, umme saken to vormanen, de se beyde myt malckanderen hadden to doen van ghelde unde smyde, als olde Ymelo, hovetlinge to Osterhusen unde Grimadzum, syn testament unde utsneden zerters synt inholdene, unde wij vorbenoemden nicht eens, zunders vaken hebben vormaent disse vorscr. sake unde klaghe, de noch apen steyt unde uns alle weghe zijnt gode worde gheven, unde behende sick sulves in der sake unde anklaghe. In een sekerheit unde merer tuchnisse der waerheit zo hebben wij Gheroldus unde Membodus vorscr. unse ingheseghele wytliken doen hanghen[*] ant spacium dusses breves. Int jaer unses Heren M^oCCCC^oLXXIX^o, de laeste vormaninghe ghescheen des dinghesdaghes na sacramenti, in der kalende tho Uttum.
Von flüchtigerer Hand ist hinzugefügt: Ick her Memmo, kerchere ter Grote Munte, betughe jeghenwordich, dat dyt vorscr. bref ys myn sulves hantscrift unde ick her Memmo vorscr. hebbe gheven Frerick to Hinte saligher ghedechnisse[*] een copie myt myns sulves hant gescreven uet Ayld Beninghe testament, dat ich hebbe screven ut Ayld[*] Beningha mant, als ick syn kerchere was to ...[*]

x

x

Archief	1820 Die Kunst
Fonds	Grimersumer Kiste
Inventarisnr.	063
Jaar	1479
Datumcode	MpSacram

x

x

x

x

Commentaar	Die beide anhängenden Siegel fehlen.

x

Materiaal	perkament

x

Edities	Editie naar dit exemplaar: oub1020.