Koopbrief, waarbij Eve Yellers en Yetge zijne echtg. verkoopen aan Johan Wijlfrynck en Hibbele zijne echtg. eene jaarlijksche rente van drie arendsguldens uit een stuk land te Marum.

Wij borgemesters ende raet yn Gronynghen betueghen met desen openen
breve, dat voer ons synt ghecomen Eve Yellers unde Yetge, sijn
echte huesvrouwe, ende bekanden voer hem ende hoeren arfghenamen
dat se hebben voercoft, upghedraghen unde overghegeven Johan Wye-
frynck ende Hebbele, sijnre echte huesvrouwe, ende hoeren arfg. dre
arensghulden, jaerlijker renten tyen onser staedt stuver voer datum
des breves ghemuntet ofte payment datter ghuedt voer ys, voer
elcken ghulden gerekent. Thoe betalen jaerlijxs up Martyni episcopi yn der
wynter ofte schadeloes ghelt, myt botbreven ende allen rechten yn
tho manen, tho boren unde tho manen, uuut ene arve landes gelegen
tho Marum, dat Hyndryck Tapper nu ter tijt brueck, soe groet ende
cleen als dat Eve vors. van sijnen salygen broeder Ee angearfft
ys, ende voert uuth ende over alle hoer beyde ander goderen
replijck ende onreplijck, wo unde vaer dye ghelegen moegen wesen,
ghene daervan uutbesundert, vrij arfflijken daeruut tho waren,
voer ene summe geldes, dye Eve ende Yetge vors. bekanden dat hem
wul ende all ys betaelt myt vorverden dat Eve ende Jetge vors. ende
hoeren arfg. dese voerger. renten toe allen tijden mogen weder aff,
vrij ende quijdt copen met vijfftych arnsgulden vors. payment ende
metter vuller renten. Sunder arghelyst. Dat oerkunde wij myt
onser stadt segel. Ges. in den jaer uns Heren dusent wijeffhond-
ert vijffendedertych, up avende Martyni episcopi yn der vynter,
doe Evert Mepsche, Johan Schatter, Reynt Alberda ende olde Johan
Horenkens, borgemesters waren unser staedt.
Copye

x

x

Archief	Groninger Archieven
Fonds	H.A. Nienoord
Toegangsnummer	626
Inventarisnr.	33
Jaar	1535
Datumcode	vMartin

x

x

x