| Nummer:han036 | Datum:1539 | Overlevering:Origineel | Vindplaats:H.A. Nienoord, inv.nr. 36 |
Wisselbrief tusschen Ewe Jellers en Beetke van Raswert, wed. van Ewsum. De laatste krijgt hierbij Rewardaheert en de helft van Zwwetna-heert, beide gelegen onder Marum.
Wij borgermestere ende raedt yn Groenynghen betueghen myt desen openen breve dat vor uns ys gheko-
men Evo Jelders ende bekande vor hem ende sijnen arffg. dat he yn enen arffwyssel hefft upghedraghen
ende overgegeven der erbaren end duchtighen Beetken, naeghelaten weduwe van Ewsum, ende hoeren
arffg. anderhalven heert landes, gheleghen yn den karspel tho Marum. De ene heert ys geheten Re-
warda heert myt all sijn thobehoir, ven ende vene, heyde ende weyde, etlandt, maetlandt, oeck myt
all sijn gherechticheiden, karckenstoel ende de halve husynge daer Harmen Berndth nu ter tijdt ynne
woent, daer Swane, Haye Reytz huesfrow, ende sijne arffg. up 't oesten ende Etke Tyes up 't westen naest
angheswettet sijn, streckende zuytwardt an de landtscheydynge. Des ys de halve heert landes vorger.
gheheten Zuwema heert, daer Evo vors. kyndeskynderen de helfte van thokumpt, alles na luyde
den ovelganck brieff, hem van Frout Fockens angekomen ys, myt alle sijnen thobehoeren als alle
de halve husynge, hemynge, holt, ven ende veen, heydelandt, weydelandt, etlandt ende maet-
landt, hoech ende leech, als dat under de clocke van Marum ghelegen ys ende Evo vors. thokommen mach
vrij ende quijdt, arffliken ende ewliken tho bruyken, tho besitten, all hoeren vrijen willen daermede tho
doen. Hirenteghens dracht juffer Betke vorg. vor hoer ende hoeren arffg. up ende ghyfft over
Evo vors. ende sijnen arffg. yn enen arffwyssel een stuck landes ghelegen yn den karspel tho Ma-
rum up de Valsche sloetswall, streckende westwart an de Broecksloet daer Eetke Tyes up 't
noerden naest angheswettet ys. Noch daer tho ene summe gheldes, namentlick achtehundert
embder ghulden, de Evo vors. bekande hem vul ende all ys betaelt. Hyrenboven lovet juffer
Beetke vors. vor hoer ende hoeren arffg. Evo vorg. tho besorgen myt kost, clederen ende alle
noetdrufft so lange als Evo vors. levet. Sunder argelist. Dat oerkunde wij myt uns
stadtsegel. Gegeven in den jaer uns Heren dusent viffhundert negenendedartich, sater-
daeges na den sondach Quasi Modo Geniti, do Everdt Mepsche, Johan Schatter, Reynt
Albarda ende Johan Sickynghe borgermestere weren unser stadt.
men Evo Jelders ende bekande vor hem ende sijnen arffg. dat he yn enen arffwyssel hefft upghedraghen
ende overgegeven der erbaren end duchtighen Beetken, naeghelaten weduwe van Ewsum, ende hoeren
arffg. anderhalven heert landes, gheleghen yn den karspel tho Marum. De ene heert ys geheten Re-
warda heert myt all sijn thobehoir, ven ende vene, heyde ende weyde, etlandt, maetlandt, oeck myt
all sijn gherechticheiden, karckenstoel ende de halve husynge daer Harmen Berndth nu ter tijdt ynne
woent, daer Swane, Haye Reytz huesfrow, ende sijne arffg. up 't oesten ende Etke Tyes up 't westen naest
angheswettet sijn, streckende zuytwardt an de landtscheydynge. Des ys de halve heert landes vorger.
gheheten Zuwema heert, daer Evo vors. kyndeskynderen de helfte van thokumpt, alles na luyde
den ovelganck brieff, hem van Frout Fockens angekomen ys, myt alle sijnen thobehoeren als alle
de halve husynge, hemynge, holt, ven ende veen, heydelandt, weydelandt, etlandt ende maet-
landt, hoech ende leech, als dat under de clocke van Marum ghelegen ys ende Evo vors. thokommen mach
vrij ende quijdt, arffliken ende ewliken tho bruyken, tho besitten, all hoeren vrijen willen daermede tho
doen. Hirenteghens dracht juffer Betke vorg. vor hoer ende hoeren arffg. up ende ghyfft over
Evo vors. ende sijnen arffg. yn enen arffwyssel een stuck landes ghelegen yn den karspel tho Ma-
rum up de Valsche sloetswall, streckende westwart an de Broecksloet daer Eetke Tyes up 't
noerden naest angheswettet ys. Noch daer tho ene summe gheldes, namentlick achtehundert
embder ghulden, de Evo vors. bekande hem vul ende all ys betaelt. Hyrenboven lovet juffer
Beetke vors. vor hoer ende hoeren arffg. Evo vorg. tho besorgen myt kost, clederen ende alle
noetdrufft so lange als Evo vors. levet. Sunder argelist. Dat oerkunde wij myt uns
stadtsegel. Gegeven in den jaer uns Heren dusent viffhundert negenendedartich, sater-
daeges na den sondach Quasi Modo Geniti, do Everdt Mepsche, Johan Schatter, Reynt
Albarda ende Johan Sickynghe borgermestere weren unser stadt.
x
| Archief | Groninger Archieven |
|---|---|
| Fonds | H.A. Nienoord |
| Toegangsnummer | 626 |
| Inventarisnr. | 36 |
| Jaar | 1539 |
| Datumcode | SpQuaMod |