| Nummer:han043 | Datum:1543 | Overlevering:Origineel | Vindplaats:H.A. Nienoord, inv.nr. 43 |
Wisselbrief, waarbij Abele Rcynema zijne landen en akkers op Marummergast verwisselt tegen eenig veen en een som gelds van Roleff Bruens.
Ick Abele Reynema bekenne ende betughe myt dussen openne besegelden breve voer mij ende mijne eerffg. woe dat ick hebbe verkofft upghedragen ende
overghegeven, drage up ende gheve over Roleff Brunes toe Marum ende sijnen eerffg. in een eerffwyssel ende kaep ewelijck ende arfflijck alsodane
landen ende ackeren ghelegen up Marumer gast, als ten eerste achte ackeren gheheten dye Lydtackers, daer Hayke Popkens ende Gele sijn huesfrouwe
up dye oestersijde bij synt ghelandet ende olde Hynryks eerffg. up dye westersijde, streckende sudewert ende nortwert tusschen den Norderwech
ende den Myddelwech. Noch dre ackeren lyggende bij dat cruce daer nu ter tijet dye erber ende dochsemer juffer Van Eusum myt Euen
Jellers eerffgenamen an beyde sijden synt ghelandet, streckende van den Heerwech suedtwert an Linsater watertochten bij de Fyowe, deselven
vors. Roleeff ende sijnen eerffg. ewelijke ende eerfflijke to besytten ende to bruken, sijnen wylle daermede to doen, hem vrij ende veerdych to leveren ende toe
waeren voer alle ansprake de daer myt enych recht mochten upspreken voer ene summe van geldes daer ick Abele vors. bekenne mij vul ende all
synnen betaelt van Roleeff vors., den lesten pennynck myt den eersten ende dancke hem guder betalynge ende daerto noch up ontfangen van Roeleeff
vors. in enen eerffwyssel ende kaep een stucke hoege feens gheheten Monekenlande, Roleeff vors. sijn anpart daervan, uutgenomen dat lege
feen offt wyedelandt, dat Roleeff vors. an syck holt ende toekumpt, daer die erber dochsemer juffer Van Eusum vors. de oestersijet
is bij ghelandet ende Ytske up dye Ackeren up di westersydt. Sunder al argelyst ende nye invunde. Oerkunde dusser waerheyt hebbe ick
Abele vors. ghebeden den erentfesten erbaren vromen juncker Hydden van Eusum, hovelynck to Myddelsum, eerffgretmen over Vredewolt, over
mij dussen breeff to besegelen ende ick Hydde van Eusum, gretmen vors., hebbe dat mene landessegel van Vredewolt beneden an spacium dusses
breves ghehangen um bede wylle Abelens vors. Ghescreven in 't jaer uns Heren dusent vijffhundert ende dreenveertych, up den wonsdach
nae sunte Kathrynen dach.
overghegeven, drage up ende gheve over Roleff Brunes toe Marum ende sijnen eerffg. in een eerffwyssel ende kaep ewelijck ende arfflijck alsodane
landen ende ackeren ghelegen up Marumer gast, als ten eerste achte ackeren gheheten dye Lydtackers, daer Hayke Popkens ende Gele sijn huesfrouwe
up dye oestersijde bij synt ghelandet ende olde Hynryks eerffg. up dye westersijde, streckende sudewert ende nortwert tusschen den Norderwech
ende den Myddelwech. Noch dre ackeren lyggende bij dat cruce daer nu ter tijet dye erber ende dochsemer juffer Van Eusum myt Euen
Jellers eerffgenamen an beyde sijden synt ghelandet, streckende van den Heerwech suedtwert an Linsater watertochten bij de Fyowe, deselven
vors. Roleeff ende sijnen eerffg. ewelijke ende eerfflijke to besytten ende to bruken, sijnen wylle daermede to doen, hem vrij ende veerdych to leveren ende toe
waeren voer alle ansprake de daer myt enych recht mochten upspreken voer ene summe van geldes daer ick Abele vors. bekenne mij vul ende all
synnen betaelt van Roleeff vors., den lesten pennynck myt den eersten ende dancke hem guder betalynge ende daerto noch up ontfangen van Roeleeff
vors. in enen eerffwyssel ende kaep een stucke hoege feens gheheten Monekenlande, Roleeff vors. sijn anpart daervan, uutgenomen dat lege
feen offt wyedelandt, dat Roleeff vors. an syck holt ende toekumpt, daer die erber dochsemer juffer Van Eusum vors. de oestersijet
is bij ghelandet ende Ytske up dye Ackeren up di westersydt. Sunder al argelyst ende nye invunde. Oerkunde dusser waerheyt hebbe ick
Abele vors. ghebeden den erentfesten erbaren vromen juncker Hydden van Eusum, hovelynck to Myddelsum, eerffgretmen over Vredewolt, over
mij dussen breeff to besegelen ende ick Hydde van Eusum, gretmen vors., hebbe dat mene landessegel van Vredewolt beneden an spacium dusses
breves ghehangen um bede wylle Abelens vors. Ghescreven in 't jaer uns Heren dusent vijffhundert ende dreenveertych, up den wonsdach
nae sunte Kathrynen dach.
x
| Archief | Groninger Archieven |
|---|---|
| Fonds | H.A. Nienoord |
| Toegangsnummer | 626 |
| Inventarisnr. | 43 |
| Jaar | 1543 |
| Datumcode | EpCathar |