| Nummer:kfh140 | Datum: | Overlevering:Origineel | Vindplaats:Arch. Klerken- en fraterhuis, inv.nr. 0146, reg. 140 |
Wy borgermestere ende Raed in Groningen betugen myt dessen breve dat voer ons is gekomen Johan
Rengers vanden Poste ende bekande dat hie voer em ende sine erffgenamen hevet gehuert van heren Johanne
van Munster pater des clerchuuses by sunte Wolburge kercke in onser stad by consente synre broders des
selven huuses Een erve gelegen ande norder zyde by Damsterwech so groet ende cleyn als Johan
van Oldense dat voer desser tyt gebruket hevet daer Lubbert smedes erve naest by licht up de
wester zyd ende ene gemene wateringe hebbende ande oester zyd vry ende quyt Erffliken ende ewliken
to bruken ende to besitten in ewiger hure des jaers voer twaleff gulden Teyn onser stad vlegers voer
datum desbreves gemuntet offte payment dat dair guet voer is voer elken gulden gerekent jairlix
to boren ende to betalen alze stad recht is Hiir is togesproken dat Johan vorscr. offte sine erffgenamen desse vorscr. twaleff gulden rente mogen weder aff vry ende quyt kopen tot twen tyden wanneer em des ge
noget myt hundert gulden ses gulden rente vorscr. payments Ende alze desse vorscr. rente gelosset wort
so salmen die altyt weder beleggen in wysse rente tot des vorscr. huuses behoeff up dat de memorien
bliven dair dat guet to gegeven is sunder argelist Dat Orkonde wy myt onser stad zegell Ghegeven inden
jair ons heren dusent vierhundert negenendetsestich up sunte Scholastiken dach virginis Doe Johan
Potter Gosen van Dulk Diric Scaffer ende Johan Tedema borgermestere waeren onser stad.
Rengers vanden Poste ende bekande dat hie voer em ende sine erffgenamen hevet gehuert van heren Johanne
van Munster pater des clerchuuses by sunte Wolburge kercke in onser stad by consente synre broders des
selven huuses Een erve gelegen ande norder zyde by Damsterwech so groet ende cleyn als Johan
van Oldense dat voer desser tyt gebruket hevet daer Lubbert smedes erve naest by licht up de
wester zyd ende ene gemene wateringe hebbende ande oester zyd vry ende quyt Erffliken ende ewliken
to bruken ende to besitten in ewiger hure des jaers voer twaleff gulden Teyn onser stad vlegers voer
datum desbreves gemuntet offte payment dat dair guet voer is voer elken gulden gerekent jairlix
to boren ende to betalen alze stad recht is Hiir is togesproken dat Johan vorscr. offte sine erffgenamen desse vorscr. twaleff gulden rente mogen weder aff vry ende quyt kopen tot twen tyden wanneer em des ge
noget myt hundert gulden ses gulden rente vorscr. payments Ende alze desse vorscr. rente gelosset wort
so salmen die altyt weder beleggen in wysse rente tot des vorscr. huuses behoeff up dat de memorien
bliven dair dat guet to gegeven is sunder argelist Dat Orkonde wy myt onser stad zegell Ghegeven inden
jair ons heren dusent vierhundert negenendetsestich up sunte Scholastiken dach virginis Doe Johan
Potter Gosen van Dulk Diric Scaffer ende Johan Tedema borgermestere waeren onser stad.
x
| Archief | Groninger Archieven |
|---|---|
| Fonds | Arch. Klerken- en fraterhuis |
| Toegangsnummer | 1237 |
| Inventarisnr. | 0146 |
| Regestnr. | 140 |
| Register Feith | 1469.008 |
| Jaar | 1469 |
| Datumcode | Schola |