| Nummer:kfh180 | Datum: | Overlevering:Origineel | Vindplaats:Arch. Klerken- en fraterhuis, inv.nr. 0167, reg. 180 |
Wy Borgermestere ende Raed in Groningen betugen myt dessen openen brve dat voer ons is gekomen Gheert
helt ende bekande voer em ende sine erffgenamen dat hie hevet verkofft upgedragen ende overgegeven heren
Johanne van Munster pater des clerchuuses by sunte Wolburge kercke in onsen stad tot behoeff des huuses
vorcr. ses golden overlandsche rinssche gulden renten voer datum desbreves gemuntet offte payment dat
daer guet voer is vry ende quyt jaerlix to boren alze stadrecht is uut Geerdes vorscr. lande
gelegen Inde Korte Woerden buten Botteringe poerte offte up den zuetessch daer Reyner jarichs
naest by gelandet is up de zuuderzyd ende Clawes Maelre up de norder zyd Ende offte de broders
offte oere nakomelingen tot enigen tyden gebreke dat sie desse vorcr. rente uut den vorscr. lande
niet boren en konden so sullen sie de mogen manen mede uut Geerdes vorscr. twe huusen mytter
hofsteden ende alle oere tobehoren gelegen ande oesterzyd In Ebdinge strate daer Nyss Wyggers
huus naest by licht ande zuuder zyd ende Peter van Collens huus ande norder zyd vry ende quyt
Erffliken uut all offte uut elk stucke Jaerlix to boren ende to manen wo den broders vorscr. des
best genoget voer ene summe geldes die Gheert vorscr. bekande dat em vull ende all is betaelt Hiir is togesproken dat Geert vorscr. offte sine erffgenamen desse vorscr. ses rinssche gulden
renten mogen weder aff vry ende quyt kopen tot allen paesschen offte zandgangen wanneer
em des genoget myt hundert rynssche gulden vorcr. payments ende mytter vuller rente sunder
argelist. Dat Orkonde wy myt onsen stad zegell Ghegeven inden Jaer ons heren dusent veer
hundert sovenendetsoventich des saterdages na sunte Valentinus dach doe Gosen van Dulk
Johan Rengers Scaffers, Johan Tedema ende Johan Koenrades Borgermestere waeren onser stad.
helt ende bekande voer em ende sine erffgenamen dat hie hevet verkofft upgedragen ende overgegeven heren
Johanne van Munster pater des clerchuuses by sunte Wolburge kercke in onsen stad tot behoeff des huuses
vorcr. ses golden overlandsche rinssche gulden renten voer datum desbreves gemuntet offte payment dat
daer guet voer is vry ende quyt jaerlix to boren alze stadrecht is uut Geerdes vorscr. lande
gelegen Inde Korte Woerden buten Botteringe poerte offte up den zuetessch daer Reyner jarichs
naest by gelandet is up de zuuderzyd ende Clawes Maelre up de norder zyd Ende offte de broders
offte oere nakomelingen tot enigen tyden gebreke dat sie desse vorcr. rente uut den vorscr. lande
niet boren en konden so sullen sie de mogen manen mede uut Geerdes vorscr. twe huusen mytter
hofsteden ende alle oere tobehoren gelegen ande oesterzyd In Ebdinge strate daer Nyss Wyggers
huus naest by licht ande zuuder zyd ende Peter van Collens huus ande norder zyd vry ende quyt
Erffliken uut all offte uut elk stucke Jaerlix to boren ende to manen wo den broders vorscr. des
best genoget voer ene summe geldes die Gheert vorscr. bekande dat em vull ende all is betaelt Hiir is togesproken dat Geert vorscr. offte sine erffgenamen desse vorscr. ses rinssche gulden
renten mogen weder aff vry ende quyt kopen tot allen paesschen offte zandgangen wanneer
em des genoget myt hundert rynssche gulden vorcr. payments ende mytter vuller rente sunder
argelist. Dat Orkonde wy myt onsen stad zegell Ghegeven inden Jaer ons heren dusent veer
hundert sovenendetsoventich des saterdages na sunte Valentinus dach doe Gosen van Dulk
Johan Rengers Scaffers, Johan Tedema ende Johan Koenrades Borgermestere waeren onser stad.
x
| Archief | Groninger Archieven |
|---|---|
| Fonds | Arch. Klerken- en fraterhuis |
| Toegangsnummer | 1237 |
| Inventarisnr. | 0167 |
| Regestnr. | 180 |
| Register Feith | 1477.008 |
| Jaar | 1477 |
| Datumcode | SpValent |