Burgemeesters en raad te Groningen verklaren dat These Toers en Agatha, echtelieden, overdragen aan broeder Willem, vicaris van Friesland en prior van het Jacobijnenklooster te Groningen, en de conventualen aldaar 400 gulden en na hun dood hun huis in de Herestraat, op voorwaarde dat zij als proveniers worden opgenomen in het convent en met enige andere bepalingen.

Wij Borghermestere ende Raed in Gronyngen bekennen ende tugen mit dessen openen breve dat voer ons zint ghecomen de Eerbere vader
Broder Willem vicarius van Vriesland in der tijd ende prior to den Jacopinen van der predeker orden in onser stad ende zine conventeslude
an de ene zijd These Toers ende Agatha ziin echte wijff an de ander zijd ende bekanden dat zie mit malcanderen guetlike zint ver
draghen ende eens gheworden in maneren ende mit vorwerden hijrna gheschreven Int eerste dat de prior ende zine broders vors.
hebben voer hem ende voer hoer nakomelinge untfangen ende anghenomen in hoer convent ten Jacopinin vors. Thesen ende Agathen vors.
ende hebben hem ene wonijnge toghewiset de ghelegen is bovent den kelre als men komet ghaene uten binneghange van der kerken bij den
olden reventer mit alzinen tobehoren als dat nu ghelegen is. Item hoer provenen to hebben ghelijck den priesteren tot horen lyve ende voert
to brukenen aldes conventes vrijheyd ghelijck jenighen broders ende zie daer an alsoe to beschermen Item des zoe hebben These ende Aghata
vors. hijr voer ghegheven vierhundert gulden de desse vors. prior ende zine conventes lude bekanden dat hem vul ende al wael betaelt zint
to behoeff des vors. conventes. Item zo sullen These ende Agatha vors. hoer hues bruken dat ghelegen is inder westerzijd van Herstrate daer
Roloff Wibens hues naest bij leghet up der noertzijde tot horer beyder lijve ende elc voer al ende daer de hure van boren also lange als zie
leven ende na hoerer twier doet zo sal dat hues volghen den convente vors. mit alzinen to behoren. Item voert alhoer guet dat zie na laten
na horer twier doet sal volghen den convente zo woe ende waer dat ghelegen is beyde replick ende unreplick. Beholden Thesen ende Agathen vors.
twohundert gulden van to ...ken elc voer al... de leste blivet een redelik testament off to gheven horen vremde waerhen des ghenoget
Item de rente de These ende Agatha vors. hebben in ... dat ghelegen is in der oesterzijde van H...
Johan ... het up der z...zijde als ... gulden ... n olden flemesche voer den gul...
hebben ... helffte sente Martins kerke ... in onser stad ende de ander helffte dat convent ten ...
... zake dat de kerke van sente Martin vors. ...
... hebben ende zo sal de al ...
... dat convente ten Jacopinen vors. hoer ...
der ... alvige rente bliven ende tobehoren ...
to ... vors. ... ymmer ... sal ... tozamen ... den convente ten Jacopinen ende de ...
vors. ... These ende Agathen vors. zielen ... item van dessen vors. elven gulden rente sul...
rente van ... rente me de to beghaenen ... jaertijden jaerlix tot ewigen dagen ... ende
den priesters to sente Mertens ... kerke elck drie olden flemeschen to koerpennyngen ... Item zo zint vorwerde weert zake dat de conventesluden ten
Jacopinen vors. in jenigen to komenen tijden verrofften off verbijsterden dat vors. hues in Herstrate dat zie hebben sullen na Thesen ende Agaten vors. doede
de koep ende sal ghene macht hebben ende zo sal dat selve vors. hues bliven ende to behoren tot ewigen dagen der kerken to sente Martin vors. als van
der vors. rente to voren is gheschreven up dat ymmer dat vors. hues des conventes blive tot ewigen dagen ende dat zeet nicht en verandersaten Item zoe
sullen Theso ende Agathe vors. unverbonden ende unbelastet wesen van allen conventes deenste jenigerleyewijs mit der schottelen to bidden ende
anderen deenste woe dat ghelegen is. Item zo sullen de prior ende convent vors. verwaren ende holden Agathen vors. also lange als zie levet ene klene
maghet der kost ende loen to gheven. Sunder al arghelist. Dit orkunde wij mit onser stad Seghele Ende umme de merre vestnisse ende beken
nisse dessen vors. artikelen ende elkes besundergen. Zo hebben wij Broder Willem vicarius ende prior vors. ende ghemene conventes broderen ten Jacopinen vors.
onss conventes Seghel. Ende ik Broder Willem Vicarius ende prior vors. mijnes amptes Seghel mede an dessen breeff ghehangen voer ons ende voer onse
nakomelinge Ghegeven in den jaer onss heren dusent vierhundert Seven ende twintich des naesten vrijdages na Sunte Egidius dage. Doe
Bruen Klynge, Henric ter Bruggen, Dijtmar Rengers ende Otto Klant Borghermestere weren onser Stad.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	415
Regestnr.	122
Olim	Arch. Jacobijnenconvent, inv.nr. 1, reg. 1. Reg. Feith 1427.19.
Jaar	1427
Datumcode	VpEgidii

x

x

Commentaar	Met de zegels van de stad, het convent en de prior

x

Materiaal	perkament