| Nummer:kla0733 | Datum:1 okt. 1485 | Overlevering:Origineel | Vindplaats:Kloosterarch., inv.nr. 416, reg. 733 |
Burgemeesters en raad te Gronyngen verklaren dat Amele Unickens heeft overgedragen aan prior Albert Schultingk en de gemene senioren en broeders van het convent tot Jacoppijnen in Gronyngen 10 1/2 hondert land in Stertingehuuster hamrik, waartegenover het convent haar en broeder Berend, haar zoon, een prebende, een woning en een lijfrente heeft toegezegd.
Wij Borgermestere ende Raed in Groningen betugen mit dessen openen breve dat voir ons is gekomen Amele Unickens ende be-
kande voir oir ende van wegen broeder Berent oir soons dat sij voir oir ende oren erffgenamen hevet upgedragen ende overgegeven broeder Al-
bert Schultingk indertijt prijor des conventes to Jacopiinen prediker oirden in onsser Stad mitten gemenen senyores ende broeders tot
behoeff des convents voirs. ende oren naekomelingen Elftalf hondert landes van vierendtwyntich hondert landes gelegen in Stertin-
gehuuster hemmerick, dair Harman Unicken kintd elftalf hondert van die voirs. vierendtwintich honderde landes van toebehoert
ende Maritken Loudewycks die ander drie hondert landes dair die teynhondert van geheten sint in dien Hellum streckende mit
den suyden eynde in Stertinge huuster wech mit dat nootoester eynde in Luttike Adewert monnyken landt daer Eive to Sypkumma
heem up die westersyd bij ter swette lycht ende bij die vierteyn hondert landes liggen ter swette alsse voirs. teyn hondert landes
up die oestersyd ende sint geheten die Oesterhelm ende dat ander is geheten die Westerhelm daer Rottummer monniken naest bij
ter swette lyggen up die suydersyd, Eppingehuuster maer op dat noorderende ter swette als die olde principale besegelde breve
die wy dair affgesien hebben daer aff inholdende sint van den gelegentheyt ende swetten erfflycken ende ewelycken vrij ende
quijt to brukende ende to besittende voir soedaende provene ende wonijnge als die pryor ende broeders voirgen. Amelen ende
broeder Berent voirgen. dair weder voir toegestaen hebben myt sekeren lyff renten nae inholt ons breves die sy dair van ontfangen
hebben. Dit levent langk to hebbende ende niet langer myt voirwerden ofte den pryor ende convente een offte twee personen stedede
Sij voir proveners einnamen Die sullen mit Amelen in mogen wonen sonder oir wederseggen Inde selve wonynge die oir toe ge-
secht is Oeck wes Amele voirsc. naelatende wert van enigen guede ofte gelde nae oire doot sal byden convente voirs. blyven
erfflycken ende ewijchlycken woe ofte waer an die gelegen sint, uutgesecht Amelens voirs. clederen mach sie ore vrenden
geven sonder argelyst dat Oirkonden wij mit onser Stad Segell Gegeven inden Jaer ons heeren dusent vierhondert vijffende
tachtentich up sunte Remygius dach doe Germet Allema, Henrick Reberch, Coppyn Jerges ende Roloff Mepsche Borgermestere
weren onsser Stad.
kande voir oir ende van wegen broeder Berent oir soons dat sij voir oir ende oren erffgenamen hevet upgedragen ende overgegeven broeder Al-
bert Schultingk indertijt prijor des conventes to Jacopiinen prediker oirden in onsser Stad mitten gemenen senyores ende broeders tot
behoeff des convents voirs. ende oren naekomelingen Elftalf hondert landes van vierendtwyntich hondert landes gelegen in Stertin-
gehuuster hemmerick, dair Harman Unicken kintd elftalf hondert van die voirs. vierendtwintich honderde landes van toebehoert
ende Maritken Loudewycks die ander drie hondert landes dair die teynhondert van geheten sint in dien Hellum streckende mit
den suyden eynde in Stertinge huuster wech mit dat nootoester eynde in Luttike Adewert monnyken landt daer Eive to Sypkumma
heem up die westersyd bij ter swette lycht ende bij die vierteyn hondert landes liggen ter swette alsse voirs. teyn hondert landes
up die oestersyd ende sint geheten die Oesterhelm ende dat ander is geheten die Westerhelm daer Rottummer monniken naest bij
ter swette lyggen up die suydersyd, Eppingehuuster maer op dat noorderende ter swette als die olde principale besegelde breve
die wy dair affgesien hebben daer aff inholdende sint van den gelegentheyt ende swetten erfflycken ende ewelycken vrij ende
quijt to brukende ende to besittende voir soedaende provene ende wonijnge als die pryor ende broeders voirgen. Amelen ende
broeder Berent voirgen. dair weder voir toegestaen hebben myt sekeren lyff renten nae inholt ons breves die sy dair van ontfangen
hebben. Dit levent langk to hebbende ende niet langer myt voirwerden ofte den pryor ende convente een offte twee personen stedede
Sij voir proveners einnamen Die sullen mit Amelen in mogen wonen sonder oir wederseggen Inde selve wonynge die oir toe ge-
secht is Oeck wes Amele voirsc. naelatende wert van enigen guede ofte gelde nae oire doot sal byden convente voirs. blyven
erfflycken ende ewijchlycken woe ofte waer an die gelegen sint, uutgesecht Amelens voirs. clederen mach sie ore vrenden
geven sonder argelyst dat Oirkonden wij mit onser Stad Segell Gegeven inden Jaer ons heeren dusent vierhondert vijffende
tachtentich up sunte Remygius dach doe Germet Allema, Henrick Reberch, Coppyn Jerges ende Roloff Mepsche Borgermestere
weren onsser Stad.
x
| Archief | Groninger Archieven |
|---|---|
| Fonds | Kloosterarch. |
| Toegangsnummer | 172 |
| Inventarisnr. | 416 |
| Regestnr. | 733 |
| Olim | Arch. Jacobijnenconvent, inv.nr. 3, reg. 3. Reg. Feith 1485.3. |
| Jaar | 1485 |
| Datumcode | Remigi |