Ick Ludgerus Engels pastor to Ulrum ende commissarius in de Marna bekenne ende betughe
myt disse openen transfix breve dat ick hebbe vorkoft upgedraghen ende overgegeven
myt vor bedachter mode Hayke Vyskes ende Hannytyen echte lude ende hoerer rechte arff
genamen so dane rentho als dre emder guldens iarlyken arffrenten to boren ende to ma-
nen alle iaren to sunte Anthonius myt boet breven of myt wat recht oer des best be-
levet in allen allen (sic) artyculen vorwerden in allen formen so gelyck de pryncipal breeff
in syck in holt ende spreket dar disse transfix breeff doer getoegen is vor enen
summa van pennyghen de my Ludgerus Engels vorscr. voel ende al betalt is de laste pin-
nynck myt den eersten unde danke Haeyke ende Haennetyen goeder betalynge
omme merer vestynghe desser warheyt so hebbe ick Ludgerus vorscr. myn eeghen
gewontelyke seghel by neden an dessen transfix breeff gehangen in den iaer ons
heeren dusent vyff hondert ende achtende vertijch op sante Iohannes dach tho
mydsommer.

x

x

Archiv	Groninger Archieven
Bestand	Arch. Armhuiszittengasthuis
Zugangsnummer	1377
Inventarnr.	0649
Regestnr.	351
Register Feith	1546.022
Jahr	1548
Datumcode	NatJoh

x

x

Material	perkament