| Nummer:ahs387 | Datum:5 okt. 1558 | Überlieferung:Origineel | Fundstelle:Arch. Armhuiszittengasthuis, inv.nr. 0891, reg. 387 |
Wij Borghermesteren ende Raedt ijn Groeninghen betueghen mijt desen openen breve dat voer uns sijnt ghekoemen Hindrick Huenholt voer
mundt sampt Arendt Backer ende Hindrick Frerickx voechden tho salighe Albert Schroerincks nagelaten twe Soenen Allerdt ende
Johan ghenoempt ende bekenden woe Willem Schuerinck Allerdts ende Johans vorscr. steeffader hem van wegen ende tut behoeff
Allerdt ende Johan vorscr. ghantze vulenkoemen scheijdinghe vorwissinghe rekenschup ende oeverleveringhe hebbe ghedaen
van alle szodane guederen ende arffnissen renten rentebreven groet ende kleen ijn alles ghene uuthbesundert als Allerdt
ende Johan voerbenoempt van hoer salighe vader ende moeder upgemelt ijenigherleije wijs anghearvet ende angestorven
moeghen wesen Dancken daer umme voermundt ende voechden upgemelt van weghen Allerdt ende Johan verscr. Willem Schuerinck
voerbenoempt gueder scheijdinghe vorwissinghe rekenschup ende overleveringhe Daer up voermundt ende voechden
vorscr. van wegen Allerdt ende Johan vorgren. ende hoeren arffgenamen Schelden Willen Schuerinck upgemelt ende synen arffgenamen
vrij ende quijdt een ewighen daeghen ghene meer actie offte ansprake tdoen hebben noch beholden mijt ghenen rechten
gheestlick noch wartlick umme szodane guederen ende arffnissen als vorscr. ijs Sunder arghelist dat oerkunde wij mijt
unszer Stadt Secreet Ghegeven inden Jaer unses heren duesent vijffhundert achtende vijfftich den vijfften dach Octobris.
mundt sampt Arendt Backer ende Hindrick Frerickx voechden tho salighe Albert Schroerincks nagelaten twe Soenen Allerdt ende
Johan ghenoempt ende bekenden woe Willem Schuerinck Allerdts ende Johans vorscr. steeffader hem van wegen ende tut behoeff
Allerdt ende Johan vorscr. ghantze vulenkoemen scheijdinghe vorwissinghe rekenschup ende oeverleveringhe hebbe ghedaen
van alle szodane guederen ende arffnissen renten rentebreven groet ende kleen ijn alles ghene uuthbesundert als Allerdt
ende Johan voerbenoempt van hoer salighe vader ende moeder upgemelt ijenigherleije wijs anghearvet ende angestorven
moeghen wesen Dancken daer umme voermundt ende voechden upgemelt van weghen Allerdt ende Johan verscr. Willem Schuerinck
voerbenoempt gueder scheijdinghe vorwissinghe rekenschup ende overleveringhe Daer up voermundt ende voechden
vorscr. van wegen Allerdt ende Johan vorgren. ende hoeren arffgenamen Schelden Willen Schuerinck upgemelt ende synen arffgenamen
vrij ende quijdt een ewighen daeghen ghene meer actie offte ansprake tdoen hebben noch beholden mijt ghenen rechten
gheestlick noch wartlick umme szodane guederen ende arffnissen als vorscr. ijs Sunder arghelist dat oerkunde wij mijt
unszer Stadt Secreet Ghegeven inden Jaer unses heren duesent vijffhundert achtende vijfftich den vijfften dach Octobris.
x
| Archiv | Groninger Archieven |
|---|---|
| Bestand | Arch. Armhuiszittengasthuis |
| Zugangsnummer | 1377 |
| Inventarnr. | 0891 |
| Regestnr. | 387 |
| Jahr | 1558 |
| Datumcode | 0510 |