| Nummer:ahs390 | Datum:10 juli 1560 | Überlieferung:Origineel | Fundstelle:Arch. Armhuiszittengasthuis, inv.nr. 0679, reg. 390 |
Wy Borghermesteren ende raedt in Groeninghen betueghen myt desen openen breve Dat voer uns sint ghekomen de voechden inden tydt van
Sunte Annen Convent by de Krane poerte binnen unsser stadt ende bekanden voer hem ende hoeren naecomelinghen voechden aldaer dat
se (by unsse wethen wille ende Consent) hebben verkofft upghedraghen ende overghegeven Sicke Hetsinghe Yde syn huesfrouwe ende hoeren arffgenamen
een kamer achter ende voer myt alle hoer toebehoer staende up saelighe Woltee Hussinghe arffgenamen grundt tusschen Botteringhe poerte ende Kyck int Jatt
by der mueren daer Arent timmerman upt oesten ende Jurgen Dreyer upt westen naest an gheswettet sint vry ende quydt arfflycken ende ewelyken
tho brueken besitten ende in aller hoeren vryen willen daer mede tdoen ende vry arfflyken tho waren Beholdtlyken dat Sicke ende Yde vorgen. voer hem
ende hoeren arffgenamen soelen betalen de pacht des grundes daer de vorgen. kamer up staet voer eene summe gheldes die de voechden upghemeldt
bekanden dat hem vull ende all tot des vorscr. Conventes behoeff is betaelt Sunder arghelist Dat oerkunde wy myt unser Stadt Szeghell
Ghegeven inden Jaeren unses heren dusent vyffhundert ende tsesstich den thynden dach July Doe Albert Jarghes, Bartlt Coenrades, Sasscher
van Heringha ende Johan Hoernken Borghermesteren weren unsser Stadt.
Sunte Annen Convent by de Krane poerte binnen unsser stadt ende bekanden voer hem ende hoeren naecomelinghen voechden aldaer dat
se (by unsse wethen wille ende Consent) hebben verkofft upghedraghen ende overghegeven Sicke Hetsinghe Yde syn huesfrouwe ende hoeren arffgenamen
een kamer achter ende voer myt alle hoer toebehoer staende up saelighe Woltee Hussinghe arffgenamen grundt tusschen Botteringhe poerte ende Kyck int Jatt
by der mueren daer Arent timmerman upt oesten ende Jurgen Dreyer upt westen naest an gheswettet sint vry ende quydt arfflycken ende ewelyken
tho brueken besitten ende in aller hoeren vryen willen daer mede tdoen ende vry arfflyken tho waren Beholdtlyken dat Sicke ende Yde vorgen. voer hem
ende hoeren arffgenamen soelen betalen de pacht des grundes daer de vorgen. kamer up staet voer eene summe gheldes die de voechden upghemeldt
bekanden dat hem vull ende all tot des vorscr. Conventes behoeff is betaelt Sunder arghelist Dat oerkunde wy myt unser Stadt Szeghell
Ghegeven inden Jaeren unses heren dusent vyffhundert ende tsesstich den thynden dach July Doe Albert Jarghes, Bartlt Coenrades, Sasscher
van Heringha ende Johan Hoernken Borghermesteren weren unsser Stadt.
x
| Archiv | Groninger Archieven |
|---|---|
| Bestand | Arch. Armhuiszittengasthuis |
| Zugangsnummer | 1377 |
| Inventarnr. | 0679 |
| Regestnr. | 390 |
| Register Feith | 1560.150 |
| Jahr | 1560 |
| Datumcode | 1007 |