Wy Borghermesteren ende raedt in Groeningen betugen myt desen openen breve dat voer uns is ghekomen
Johan tho Wede de slotemaeker ende bekanden voer hem ende synen erffgenamen dat he heft vorkoft upgedragen
ende overgegeven Robert van Ulsen Lubbe syn huesfrouwe ende hoeren arffgenamen een kamer mitter hofstede achter ende
voer myt alle toebehoer gelegen tusschen sunte Jacobs gasthues ende Kyck int Jatt daer de vogeden
van sunte Marten upt westen Evert ticheler upt oesten ende Haycko Visscher upt zuden naest an ge-
swettet sint vry ende quydt arfflyken ende ewelyken tho bruyken besitten ende in alles hoeren vryen willen
daarmede tdoen ende vry arfflyken tho leveren tho waren Beholtlyken Willem van Bassens voerscr. bekan
de dat hem vull ende all ys betaelt Sunder arghelist Dat oerkunde wy myt unsen stat Seghell
Gegeven inden Jaer onses heren dusent vyffhundert eenen tsesstich den elfften dach marty .Doe
Albert Jarges, Barolt Coenrades Sasscher van Heringha ende Johan Hoernken
borgermester weren unser stadt.

x

x

Archiv	Groninger Archieven
Bestand	Arch. Armhuiszittengasthuis
Zugangsnummer	1377
Inventarnr.	0708
Regestnr.	392
Jahr	1561
Datumcode	1103

x

x

x

Material	perkament