Inder schelinghe tusschen den weerdigen ende wall
geleerden heren Mester Hinrick Heldt Pastoer
van unser lever Vrouwen kercke ter Ae binnen
unser Stadt (als voerstander ende van wegen
des Armen Convents gelegen int Rechte Jath
ander wester sydt der Straten) anclager eens
Ende Thomas Pley (up de noorder sydt naest
anden selven voerscr. Convente wonachtich) vor
anthwoerder anderdeels Heerkhomende
dat de Pastoer In nhame ende van wegen als
voergen. sich beclagede Woe voergemelte Thomas
Pley enige vrembde ende onbehoirlyke wateren mede
doer de wateringe (tusschen des voorscr. Convents
ende Pleys huesen heerlopende) tho leyden gemeent
ende voergenomen etc. Hebben wy Borgher
mesteren ende Raedt der Stadt Groeninghen
nha guetlicken verhoer beyder parten Oeck nae
besichtinge der questioser ende stritiger plaetzen
voer Recht ende Ordell uutgesproken ken
nende Dat Thomas Pley voergen.
dat water vande noerder sydt syns arves
aflopende neet inde zuider wateringe
sall moegen uutleyden offte lopen lathen
buten Consent des voerscr. Pastoers offte des
voerscr. Convents voerstanderen. Actum den XXen
dach decembris Anno XV c veerende
tzestich Dat Oerkhunde wy
mit unsen upgedruckten Signete.

x

x

Archiv	Groninger Archieven
Bestand	Arch. Armhuiszittengasthuis
Zugangsnummer	1377
Inventarnr.	0916
Regestnr.	401
Register Feith	1502.033
Jahr	1564
Datumcode	2012

x

x

x

Material	papier